Amalal weqbar

Yemmaten d babaten neccin d icricen n tarbih't usinen (comunitat educativa), ixenni, ghanegh remwajbet d amnus ucaci di tabiyet n tarwanegh d isitnegh s tamesmunt n babaten d yemmaten imeh'dan (associació de pares i mares d'alumnes) ulemmas mani qqan, waxxa d agherbaz usinen n temzi d umezwaru (escola d'educació infantil i primària) nigh d alemmas usinen wis tenayen (institut d'educació secundària).

Djant timesmunin n babaten d yemmaten imeh'dan deg ilemmasen izuyaz nigh deg ilemmasen imezlayen, u nihni ghasen iswiten cnaw ina:

• Asarri di marra ermarah'il usinen mah'enda ancac d arfaâ n taneflit n marra angraw usinen n tammart ennegh.

• Axdam mah'enda adh'esnent acaci d uceddi n babaten d yemmaten, n ih'enjan d iâzuray n timetti usinen.

Mara neccin d icricen n timesmunin n babaten d yemmaten imeh'dan ugherbaz nigh ulemmas n tarwanegh d isitnegh nzemma anessen h'sen axdam n angraw usinen u ancac deg igmanen n tiggit n ixettaren ulemmas, mayemmi tamesmunt n babaten d yemmaten imeh'dan tgenses yemmaten d babaten qibar i aseqqamu ugherbaz (Consell Escolar) u tcarec deg ahil n Aghawas ussegwas ulemmas s umsetfeq ak asenfar usinen (Projecte educatiu) ennes.

Timesmunin n babaten d yemmaten imeh'dan nihenti d izedjifen uhezzi n irmaden uâemmed usinen i yemmaten d babaten nigh ih'ramen d tih'ramin:

• Asefrek n irmad awani ugherbaz (activitats extraescolars) d ixxamen unebdu (casals d'estiu).

• Asefrek n assedjih' uqaber (servei d'acollida) n esbeh' d awani tiseâet ugherbaz gha uâecci.

• Teggen ijj uraddef n wexxam n macca ugherbaz.

• Asujed n isaragen, ismahalen d irmaden umetti d usinen n taghda i tarrawin d wesrah' useghnes jar marra yemmaten d babaten.

• Carcen di ihilen d isenfaren mah'enda adh'esnen aeghnes jar alemmas usinen d timetti, cnaw ighuwas usinen n min danegh dyenden (plans educatius d'entorn).

I tmanit n talghut x ighuwas usinen n min danegh dyenden nzemma anexza di:
http://www.xtec.cat/lic/entorn/index.htm 
 

Ammu, mara neccin d icricen n tamesmunt n babaten d yemmaten imeh'dan nzemma anegg isumar u ancac deg usujed n irmad-a.

Mara tarwanegh qqan asermed amezwaru uca nexs kta n talghut, nzemma ancawam Uddus n Timesmunin n Yemmaten d Babaten Imeh'dan n Katalunya n Asermed Amezwaru (Federació d'Associacions de Mares i Pares d'Alumnes de Catalunya d'Ensenyament Primari, FAPAC):
http://www.fapac.net/

Mara qqan asermed wis tenayen, nzemma ancawa Uddus n Timesmunin n Babaten d Yemmaten n Imeh'dan n Asermed Wis tenayen (Federació d'Associacions de Mares i Pares d'Alumnes d'Ensenyament Secundari, FAPAES):
http://www.fapaes.net/

I tmanit n talghut x usentel-a anexzam deg usentel n Asinen n web-a.