- Abd'ay Tajirant d tamâacat Amawal
Amawal
- Administrador de finques / Anedbal n wagra:
-
Asadar issegwaran recra d tamesghiwt n tizeddagh d idiganen imzenziyen. Ixeddem deg isem n bab necci d isem n Comunitats de veïns / Tarbih'in n jjiran, netta itbeddan x uh'ettu d uh'awer n izadaghen. Attas iman itegg ura d erxedmet n anezraf n tarbih't.
- Associació de comerciants / Tamesmunt n imzenza:
-
Tarbih't n imzenza itmunan mah'enda adcacen di tiggit n ca ihinanen n marra, amedyata cnaw, addefâen x izerfan ensen nigh adettan i iduba iâd'iren n znaqi; deg usentel n tandint d taghellist. Attas iman tmunan x tafughalt enni i yudsen jarasen.
- Associació de veïns / Tamesmunt n jjiran:
-
Ghas ahinu ussejeâ ucaci d asiwer jar jjiran n agmam u netta cnaw agenses ennes qibar i Tadeblit mah'enda adissiwer x timetta ensen d iqedjuqen. Teswejjad ijj n aggay n irmad, cnaw uraren n agmam nigh tmeghra, u ticc ura d taghda.
- Autoescola / Agherbaz usinen wendah:
-
Agherbaz wendah. Nettat teswejjadanegh i tamnant d tirarin wendah d taghellist webrid, tâawananegh mah'enda aneksi tesrih' wendah u ticcanegh talghut x issurifen ixessa anegg.
- Autorització de residència / Tesrih' n tazeddixt:
-
Tesrih' mah'enda anezdegh s isud'af di Spanya. Benadem abarrani aqqet deg addad asad'af xmi, mermi ma yedja di Spanya, ghas tesrih' isitxessan. Tesrih' n tazeddixt izemma adyiri n ijj n erweqt nigh i rebda. Xza asentel n “Timezri ticcerâiyin” n web-a.
