Amalal weqbar

Imucan izuyaz cnaw znaqi, plasat, jardat, reqcuc ighrimen, ilemmasen idelsanen d addalen… nihni d imucan uâettu, umerqi jar iwd'an inessen nigh wa nessin, useghnes jar jjiran d tijirarin n marra issegwasen d addad ametti. Nihni d imucan n tamâacat.

Aqaber n imucan-a (amedyata, iâeddiren n min yexsan nigh abedder n erqec iqed'men) iteggit Axxam n tghiwant, maca netta d amnus uh'ettu n marra ighermanen d tighermanin, cnaw xmi taddart ennegh, nigh taddart n marra itnegh.

Ammu, ixessa anuc erbar i manaya:

• Wa ntegg irmad i gha tenidiyâen, adseddâen nigh addarren jjiran neghnit (ddriz, aâemma n zenqet nigh n carriâ).

• Aneh'da erqec azuyaz u atenweqqa.

• Wa ntegg ih'enicen nigh grafitit di reh'yud nigh deg imucan neghnit.

• Wa nresseq iskantira nigh regwaghed ucehar barra imucan ennes.

• Anesxedmem erbadawat ifurad.

• Mara ghanegh rewh'uc, anejmeâ rewsex ensen.

• Wa nesrusa afrad barra i erbadawat.

• Wa nzemma anegg iraren uh'arrem i wabbeh' n temenyat nigh agra di znaqqi nigh deg imucan izuyaz.

• Mara neccin d imettan di zenqet ixessa wa ntegg ughir x yewd'an, wa xasen ntbesser, ixessa wa ntseddiâ iwd'an i di âettun.

• Erqec azuyaz. Erqec n znaqi (erbadawat imezyanen d imeqranen, erbankawat, kabinat n tilifun...), ntxeddasit marra itnegh, netta d ijj ussedjih' amezwaru u d ah'daji s wattas i tiqqermi; x manaya, d ahimmi atenesxed'em mlih' u asnini i Axxam n tghiwant mant idiyeâen i dinni.

Mara wa nh'etti imucan-a, tideblin tizuyaz aghasent yiri kta n tixessura usezdeg d weâdar, tixessura-ya sneqqasen zi temenyat n isentalen neghnit cnaw asinen, issedjih'en imettiyen, tadawsa, atg.

Mah'enda anegg ca n irmad imezlayen nigh n tarbih't (uraren, reswaq, atg.) i zi ntâemmara ghi deg ijj n erweqt imucan n barra (zenqet) ixessa anessen min qqan ilugan ighiwanen x manaya uca anetta tesrih' i Axxam n tghiwant. Xmi armad-a netta d udmis (ijj n tazenzut, anuwet azawan di zenqet...) ixessa aghanegh yiri tesrih' aghiwan ennes.

Mara wa ntegg ilugan uneghrum d tamâacat zemman adanegh ggen tifgurin n temenyat cnaw tifgurin (multes). Tadeblit tazuyazt tzemma axanegh tegg ughir aâdar n min diyeâ (wenni gha yarzen ijj n erbidu wefrad nigh playek usecni i tumubinat, amedyata, ixessa atixeddes). I ukemmer n tafgurt-a nzemma ateneggen s akaten umbedder (mesures substitutòries) nigh timegga neghnit, cnaw amedyata, rexdayem i tarbih'in (axdam uh'ettu wemcan azuyaz, ancac deg ijj n tamesmunt tamettit, ancac di timeghriwin x aneghrum, atg.).