Amalal weqbar

Tarbih't n ayetbab n tiddura (comunitat de propietaris) itgensit aselway n Aghraw n ayetbab n tiddura, itiri dayes ura d amaru, d anezraf nigh anedbal. Irettiben-a nihni i ijj n erweqt u tendet jar marra ayetbab n tiddura. Irettiben-a xettanten s waccah', taqurâect nigh araji itenden jar marra ayetbab n tiddura.

Ayetbab n tiddura, n erfuqawat, n tiglin nigh n timura, d isexdamen ennes ughir xasen s Asad'uf n agra asennej (propietat horitzontal) aghasen irin deg ijj n addad n tazdugi, n tadawsa d taghellist d asebh'an u kta imucan enni iditbanen zi zenqet.

Gha tarbih'in izemma aghasent irin ca n Izuyar (Estatuts) d ca n ilugan n anhil (normes de règim intern).

Izuyar nihni d ijj n aggay n ilugan issegwaran tudart n tarbih't u nihni ixessa adkemren nigh adeggen ca n timezra n Asad'uf wagra asennej n min yedjan x izerfan d ughiren n ayetbab n tiddura. Nihni maci d ughiren maca mara aqayen ghanegh, ixessa adirin eggzen di Aggez n wagra (Registre de la Propietat). Aghraw n ayetbab n tiddura nihni itbeddaren agbur ennes nigh teksenten, maca s umsetfeq n marra ayetbab n tiddura. Bera timezri neghnit, Izuyar zemman adinin mant:

• Pisawat i gha yedja ad'af nican gha tazeqqa d remrah'.

• Erweqt ubedder n igmanen n anabad n tarbih't.

• Imucan icacen.

• Aqd'aâ x tiggit n ca irmad imzenziyen nigh n isadaren, atg.

Ilugan n anhil n daxer nihni d ilugan ixef itemsetfaq Aghraw n ayetbab n tiddura mah'enda adlugen timesriyin timezyanin n tamâacat, nigh asexdem asebh'an n issedjih'en d reh'wayej icacen, s umsetfeq n asad'uf d Izuyar. Ilugan-a tlugan timezri cnaw amedyata:

• Aâd'ar amezri n playek n tisenduqin n tibratin nigh n playek itcehant ca n armad asadri.

• Ini n tiwura manis ntadef gha daxer i tiddura.

• Afsar n warrud'.

• Ah'eddi n wad'af n rewh'uc gha imucan icacen.

• Akkab n macinat n reâwin asemmad nigh lintirnat n parabul.

• Akkab ughir n erbac, n cebbac d tanejjart n barra kif kif.

• Tiseâet ukessi n wefrad, atg.

Amxedjef izuyar, ilugan n anhil n daxer wa teggzent ca di Aggez Wagra, wa teh'wijin ca amsetfeq n marra ayetbab n tiddura mah'enda atqebren.