Amalal weqbar

Imzenza neccin d imeggan n tarbih't uca x manaya ghanegh ijj n erxedmet uhezzi di asmil uneghrum d tamâacat.

Tiseâet wazam
(L'horari d'obertura)

Wessan d tiseâtin wazam n isghulaf ixessa adweqqan aslagan issegwaran rexxu:

Ighsuren imzenziyen iteggen ghi azenzi azuyaz n serâet ghasen ijj n tiseâet wazam i yewd'an n 72 tiseâatin i simana, jar 7.00 d 22.00, zi retnayen ar sseft, s ughir ubeleâ di erh'ed d wessan ughimi i tiri wa ghasen bu tesrih' wazam.

Ighsuren ixeddmen i ticcit issedjih'en (imeccaden, ilemmasen uziyen, timsebbanin nigh imsawaren) ghasen ijj n tiseâet wazam d tirellit.

Marra ighsuren imzenziyen ixessa adesecnen tiseâet ensen, mah'enda iwd'an atetwaran waghsur zi barra.

Tiwriqin n icetcan
(Els fulls de reclamacions)

Ixessa aghasen irin ura d tiwriqin n icetcan (fulls de reclamacions). Nihenti d tifriwin uâemmar tunsibin, ghasent trata imedyaten mah'enda imsudar adeggen acetci ensen di waghsur enni, qibar i ca ussedjih' wa yeh'ri. Zi trata n tiwriqin i ghas gha tifrit uâemmar, wenni erasel itrah' gha Lbiru Aghiwan n Talghut i Amsider (Oficina Municipal d'Informació al Consumidor, OMIC) nigh gha Tamaghla n Tammart Tamguri, Tanezzut d Tamerrit n Jiniralitat n Katalunya, i gha iweznen tamesrect-a. Kupya tarrusact tghima gha waghsur u kupya tarbiâect ikessit aghed'uf. Ighsuren ughir xasen adesecnen i yewd'an ijj n askentira i di yura bil.la ghasen tiwriqin n icetcan u atentucen i marra inni itentitettan.

Tiwriqin n icetcan
(Les vendes especials)

Imzenza ixessa anweqqa erweqt n ineqqisen (rebaixes), izenzan n imzayden (saldos), isufughiyen (liquidacions) d ismilen (promocions).

Di erweqt n ineqqisen ixessa anuc erbar ennegh i ca n inessih'en mah'enda wa tirin imenghiyen nigh aneqqim wa nfehem ca n erh'ajet. Ixessa anuc erbar ennegh i timezri-ya:

• Reh'wayej ixessa rebda adaysen yiri taman isneqsen ak taman amezwaru. Zemman ura adayes eggen amur di mya (%) uneqqis.

• Reh'wayej ixessa aghasen taghara d adman cnaw i qber ineqqisen, wa zemman adirin diyâen nigh zeg inni imzayden. Amessagh ixessa atyetta faktura, mayemmi nettat i yedjan d ad'man (garantia) mara nexs atenbedder.

• Ixessa anesseqsa aghsur x ibeddiren d tarritin. Mara erh'ajet enni diyeâ, aghsur ughir xas adanegh tibedder nigh adanegh yarr tinâacin.

• Xmi amsagh itexs adyeg ijj n tarrit, ca n ighsuren wa tarrin ca temenyat maca ticcen ijj n ercighed n tasekwit n tamesghiwt (val de compra). Manaya zemman ateggen u amsagh izemma adibedder erciqghed n tasekwit x ijj n erh'ajet neghnit. Maca, ixessa anesseqsa mech'a n wessan i ghanegh mah'enda atenbedder. Di erweqt ineqqisen, ighsuren zemman adesbedden akessi n recwaghed n tasekwit.

Xmi tiri reh'wayej deyâen ughir xasen adanegh tenbeddren. Mara erh'ajet enni ghas ad'man uca aâdar ennes maci d asebh'an, wa nzemma anessexed'em erh'ajet enni i min tugha nexs, aghsur ughir xas adanegh yarr temenyat.

• Mara ijj waghsur rebda iqebber takard'at n erbanku, ixessa atentiqebber ura di erweqt n ineqqisen.

Mara dinni ca umenghi, ixessa amezwaru anuzu ijj n tarezmit s usiwer ak aghsur. Mara degga wa danegh issufugh ca, nzemma anetta tiwriqin n icetca d anesseh' i lbiru n taghiwant n talghut i umsider.

Askentira n tinezza
(La retolació dels comerços)

Ixessa anegg askentira n tinezza s umsetfeq n aslagan i yeggwan n (amagrad 32 n Asad'uf 1/1998, n 7 yenayer, n tasertit n tutlayt). Di Katalunya asecni n inazalen n manten ma talghut i takkaben i rebda ighsuren i yazmen i yewd'an ixessa adirin uran, abeâda, s takatalant.

Di Tasmunit i Amlugen Anawal (Consorci per a la Normalització Lingüística) zemman adanegh nesh'en di manaya u adanegh âawnen anegg askentira i aghsur ennegh s takatalant.
www.cpnl.cat

Tanezzut d isway agaman
(El comerç i el medi ambient)

Imzenza ixessa ancac deg uh'ettu n imucan izuyaz inesxeddam; amedyata, ixessa anmesseh' amcan n zenqet i yedjan qibar i aghsur ennegh.

D ahemmi ura anegg min yeqqa aslagan n unetta wefrad' (afrad n isdurruyen n reh'wayej, ifurad', atg.) u anesexdem erbadawat ukessi wefrad s wefraz, ixessa wa ntejji ifurad di erwest n zenqet.

Ura tinezza ixessa adweqqant aslagan n taghellist d tazdugi (asufegh n dexxan, imsexsayen n timessi...), mah'enda wa tirin ixataren n tadawsa di znaqi.

Timesmunin n imzenza
(Les associacions de comerciants)

D ahimmi imzenza anessiwer ak tarbih't n jjiran mah'enda adanegh ucen talghut x izerfan d ughiren ennegh, nigh ura x ilugan n anhil n daxer. Ura yammu, ixessa ancac di tamesmunt n imzenza (associació de comerciants) n agmam nigh n taghiwant ennegh.

I tmanit n talghut:
http://www.confecom.cat/immigracio/