Amalal weqbar

Imasargulen gha usentel n Arrah'et (Benestar) n Timetti.

Ca n marrat tudart ennegh tawyanegh gha ca n iddaden i wa nzemma anh'el neccin weh'ednegh. Marra iwd'an nzemma anemerqa ak iqsih'en izemman addarren arrah'et ennegh x attas n resbab, x temenyat, x tadawsa, x taxessit uzarug wudem ennegh nigh x wefraz ametti. Di leh'dat enni itxessayanegh taghda, anesseh' d uâemmed n issedjih'en imettiyen (serveis socials).

Angraw n issedjih'en imettiyen netta d aggay n isidifen izuyaz ixeddmen x ud'ummi n ixessiyen imezwura n ighermanen, s uhezzi useghmi n tizemma wudmawen, manaya teggent s rewqa n yewd'an.

Di Tracca Uqaber Azuyaz n issedjih'en imettiyen dayes aggay n allalen, isghulaf, isenfaren, ihilen, texrisat d marra irmad n tazert, uqaber d asmil ametti tiri d tazuyazt nigh d tamezlayt.

I tmanit n talghut:
http://www.gencat.net/benestarsocialifamilia

S tamesdagt, tedja ijj n tracca n timesmunin timettiyen d umgzal iteggen ca n inhilen mah'enda adsejjâen ad'af n yewd'an enni i gha yedja iqesh'iyen. Timesmunin-a tqabarent iwd'an enni itirin deg ubrid uâedder n recwaghed.

Ura yammu, issedhjih'en imettiyen xeddmen ak issedjih'en neghnit d izuyaz (idawsanen, usinen, idelsanen, n erxedmet, atg.).

Netta d ijj n angraw n attas imnusen cacen: n yewd'an enni icarcen deg ubrid ensen i wad'af di timetti d tadamsa, s tiggit n irmad d usgenfi itxessan mah'enda adawden gha allalen udmisen d imettiyen i gha tenejjen addewren d imzarugen.

Issedjih'en imettiyen farqenten di:

• Issedjih'en imettiyen uqaber amezwaru, nihni d inni yudsen iwd'an u nihni d imucan mani gha nah' amezwaru.

• Issedjih'en imazzagen, tirin i tiseqqarin waghref umi itxessa ijj uqaber d amazzag u ticcenten deg ilemmasen, issedjih'en, ihilen d allalen iteggen i yewd'an-a.