Amalal weqbar

Isghulaf uhezzi n adelsan ametti itexsen adeshezzen aneghrum, adcacen ak timesmunin u adtejjan imucan d allalen i ucaci d ubedder d umesbedder jar ighermanen d tarbih'in. Kur alemmas itegg ijj n ahil ennes n irmad kur 4 n chorat.

Isghulaf ighrimen i arrah'et n iwd'an iwessura. Thezzan iseghnasen wudmawen ensen d n imezyanen xasen d ucaci n timetti d tarbih't. Zemman adayes cacen marra iwd'an d imremracen ensen i tiri ghasen kta zi 60 issegwasen nigh 52 issegwasen u tiri kessin aghimi ensen.

Tawalin n tzddiɣt i kra n ussan i tmɣarin d tarwa-nns d issis i ccin aεmud di taddart, ukan smḥn di taddart-nnsn εawd ur ɣursn kra ttmnyat zi ad εicn. Ttraḥn ɣursn zi Trbiḥin Timzwura n Usḥssi Amttay Amzwaru (Equips Bàsics d'Atenció Social i Primària) s umεawan akd Ufrdis n Tmgga di Uεmud di Twacunt n Tmarit n Twacunt (Unitat d’Actuacions en matèria de Violència Familiar de la Secretaria de Família) n Ugzdir n Umttay Isbḥn d Twacunt (Departament de Benestar Social i Família).

Isghulaf itexsen adeshezzen aneghrum, adcacen ak timesmunin u aducen issedjih'en i ixeddamen di rebh'a d tarrawin ensen.

Assedjih' amazzag iticcen talghut, d aqaber d ugenfi n timgharin d tarwa d isitsent, nihni tirin hercen x azmaz uâeddi x anaw, mah'enda asenshewnen agenfi udarri x min xasen yekin.

Ighsuren wezdugh i ighimiyen igmiren n imezyanen i yedjan deg ijj n addad ametti d axatar. Sekkan danita ghi imezyanen enni iteh'wajan deghya ijj uqaber u ixessa atenesbaâd'en x tarrawt ensen. Nihni xezzan min itewqiâen uca teggen iqabaren i imezyanen enni itadfen deg ilemmasen-a. Netta itiri xas Amehla Amattu Uqaber n Temzi d Taâzuri. 

Ilemmasen-a ghasen attas issedjih'en mah'enda iwd'an enni idjan d unqisen aghasen tiri erfaydet uqaber d temenyat, ticcennasen taghda u tqabaren iwd'an-a d tarrawin ensen. Nihni ticcen talghut, teggen u sekkan timettat wad'af di imezdughen u ticcen iselkiwen n tizemma n erxedmet nigh n agharan.

Ilemmasen-a seggwaran aggay n tiskarin uqaber d userqi itwejhen i ih'ramen, zeg wami gha dxerqen ar 6 issegwasen, ih'enjan-a tiri ghasen ca uâetta useghmi nigh tiri aqqayen di addad n tizemma uxatar. Tqabarenten attas n isadaren usentel adawsan, ametti d usinen. Itiri xasen Alemmas Akatalan Uqaber d Issedjih'en Imettiyen

Issedjih'en ukessi n iwd'an imeqranen iteh'wajan asujed, axezza d aqaber deg irmad n tuddart ensen kunhar, netta cnaw akemmer uqaber n tarrawt. Ghasen issedjih'en neghnit cnaw asgenfi atabiâi, asaddef d userqi adawsan, macca, tazdugi wudem, aâemmed wudem, ametti d tarrawt, atg.

Ilemmasen Uqaber Amezwaru d Uqaber Azira n Agezdu n Tadawsa, mani idanegh isâeddu rebda ad'bib ennegh. Netta d amcan amezwaru mani gha nah' xmi gha ntaca nehrec.     

Issedjih'en n was i ih'enjan d iâzuray idjan di axatar ametti, danita teggen ijj n erxedmet userqi barra i erweqt ugherbaz. Tâawanenten, senhezzanten u tâanenten gha uxawed ametti, d gha iremmaden imezwura d userhu, u tâemmanasen ineqqisen umetti d usinen i ghasen. Ilemmasen-a zemman adirin d ighiwanen nigh n timesmunin usizwar ametti. Nihni itxeddasiten Amehla Amattu Uqaber n Temzi d Taâzuri.

Ighsuren wezdugh ikessin u itirin x imezyanen i ghasen abalegh n tajjit, cnaw reâba umesten, erxansu wa zemman addewren ak tarrawt ensen nigh tiri wa ghasen ca tarrawt iten gha iqabren. Itiri xasen Amehla Amattu Uqaber n Temzi d Taâzuri.

Alghu iteggen issedjih'en imettiyen n tghiwant mani iggez ametta. Aselkiw-a zemma atenneh’waj mah'enda anetta tesrih' n tazeddixt i iddaden enni imazzagen yeqqa Asad'uf n erbarraniyet.

Ercighed idiccanen addad n wakrad. Iteggit Equip de Valoració i Orientació (EVO) / Taghlamt n Aqeddar d Taghda. Ixessa taghlamt-a atini mant aswir uneqqis i ghanegh, ma anict nigh kta i 33 % s wexza n taxxant i yedjan x manaya.

Tideblin n tifughalin. Jiniralitat nigh Amazan ticcenasen nigh sâettunasen ixessisen. Nihni ticcen aâemmed i axxamen n tighiwanin i yedjan di kur tafughalt u nihni zemman adeggen isenfaren di tifughalin.