Amalal weqbar

Aqaber ametti amezwaru netta d amcan n takwit n deghya di angraw akatalan n issedjih'en imettiyen, u netta d wenni i yudsen kta i yewd'an d tarrawt d timetti ensen.

Issedjih'en-a teggenten s tighilmin jar attas itabiyen, qanasen Tighilmin n Tissi Uqaber Ametti Amezwaru (Equips Bàsics d'Atenció Social i Primària), xeddmen daysen imqabaren imettiyen/imaragen n erxedmet i timetti d ijj umessinen ametti.
 
Issedjih'en Imettiyen uqaber amezwaru segwaranten tighiwanin. Tighiwanin i ghasent kta zi 20.000 imezdaghen ughir xasent atent suyarant nihenti simantensent. Tinni gha yedja qel imezdaghen, nihenti zemman aten suyan ammu, nigh axas yiri Aseqqum Afughal (Consell Comarcal).

Mah'enda anexza agherraybi n issedjih'en imettiyen:
http://www10.gencat.net/sac/AppJava/servei_fitxa.jsp?codi=2412

Issedjih'en imettiyen uqaber amezwaru tqabaren marra timetta d ih'dijen imettiyen n ighermanen (udmisen, uqaber n yewd'an imegliyen, itebriten, aqaber n temzi, aâeddi x anaw, atg.) i zi isadaren teggen ijj ufettec d ijj ughawas n erxedmet s usexdem n marra allalen ighasen.

Issedjih'en uqaber amezwaru ticcen:

• Talghut x izerfan d allalen i yedjan mah'enda adarren x ih'dijen n yewd'an d tarrawin.

• Taghda d usefrek n allalen i yedjan, cnaw tiwriqin timettiyin ucarreh' i Aselkiw wattaf ametti (Certificat d'arrelament social)

• Asefrek n texrisat tizuyaz n tghiwant d n Jiniralitat cnaw imâawnen igherbaz (beques escolars), Ahil n “Tudart ak tarrawt” (Viure en família), Ahil n tamâawent d uâemmed s temenyat i yewd'an imghan imeghlayen atg.) d allalen neghnit umesten ametti.
  http://www20.gencat.cat/portal/site/bsf/menuitem.c7a2fef9da184241e42a63a7b0c0e1a0/?vgnextoid=e538c67ba01a4210VgnVCM1000008d0c1e0aRCRD

• Aqaber n yewd'an wa gha yedji tazeddixt nihni d iwd'an bera tazeddixt izedghen di zenqet (Persones sense sostre i indigents). Di ca n tighiwanin ghasen isnusa uqebber (albergs d'acollida) i ijj n erweqt i yewd'an-a d iâeddun. Isghulaf-a ticcen assedjih' usensi d macca i ca wessan. Ura yammu, ticcen ihilen wedwar d asmil ametti i yewd'an-a. 

• Acaci deg ijj n tiggawt uh'ettu s erweqt, tafit n iddaden uxatar ametti. Cnaw xmi ntaf ermacakil nigh ineqqisen deg uqaber n temzi, n iwessura nigh n yewd'an imekraden.

• Ticcen acaci i webrid n wedwar d usidef di timetti n tarbih't. Amedyata, carcen deg ihilen mah'enda adeserqan u adesneqsen x aghiyeb ugherbaz (absentisme escolar) nigh deg inhilen n taghda d wad'af di erxedmet (programes d'orientació i inserció laboral).

• Issedjih'en uqaber amezwaru sekkan ca n iwd'an gha issedjih'en uqaber amezzag u carcen ak udusen d timesmunin neghnit, cnaw ak igherbaz, ak ilemmasen i yazmen (centres oberts) ih'enjan d iâzuray nigh ak ilemmasen n tadawsa (centres de salut).

• Seggwaran Assedjih' Uqaber deg Azeddugh (Servei d'Atenció Domiciliària, SAD), netta itic aqaber di tadart n yewd'an d tarrawin umi itxessa azarug (akrad, rehrac nigh bera tizemma umutti, ermacakil n tarrawt d timetti, atg.) i tiggit n rexdayem ighensen ak uqaber wudem, nigh i uretteb d waâdar n taddart.

• Ticcen ura d aâemmed i tiggawin n degg adelsan, ametti d aghrim itsejjaâen aseghmi uxiyed amesmuni deg igmanen.