Amalal weqbar

Jiniralitat ghas ijj n tracca n Ilemmasen Uqaber i yewd'an d unqisen (Centres d'Atenció a persones disminuïdes, CAD). Aggay n isadaren ulemmas-a ticcen talghut d unesseh' x marra issedjih'en ixedjqen i yewd'an enni yedjan d unqisen di arrimet, di reâqer d uh'essi: cnaw, aâemmed i weâdar n tizeddagh d tikkest n tiseghliyin umesdag (eliminació de barreres arquitectòniques); inhilen wad'af n erxedmet n yewd'an d unqisen; texrisat n temenyat nigh talghut x imezdughen d ilemmasen n was.

Mah'enda asnucen texrisat d issedjih'en, adeh'wajen Aselkiw uâtaref n akrad (Certificat de reconeixement de discapacitat), netta d ercighed idiccanen addad n wakrad. Iteggit Taghlamt n Aqeddar d Taghda (Equip de Valoració i Orientació, EVO) n Alemmas Uqaber n yewd'an d unqisen (Centre d'Atenció a persones disminuïdes, CAD) n Jiniralitat. Netta iteggen afettic uca yeqqa mant aswir uneqqis i ghasen.

Attas iman tudart n aselkiw-a tghima i rebda; maca dinni ca n iddaden i di aselkiw-a ghas tudart ghi ijj n erweqt, manaya ghi xmi ityeqqa aggay wexza Ulemmas uqaber n yewd'an d unqisen.
http://www.gencat.cat/bsf/discapacitat

Aqaber qber i erweqt
(Atenció precoç)

Xmi idxedjeqen ih'diden, ghasen angraw izuran iâessiben âad wa yeghmi u wanita adyeghmi di timezwura n tudart ennes.

Mara azmaz useghmi wa yedji nican, rexdenni asimi-ya ghas ijj uâetta deg useghmi ennes uca, x manaya, asimi-ya adyeh'daj tamâawent mah'enda adyeâder azmaz useghmi ennes. Aâettar-a izemma adyiri i rebda nigh ijj n erweqt, min ithiman attas netta ixessa atenza zijj.

Akud uqaber qber i erweqt ibedda xmi i zarren aâettar-a ar gha yeqfer abâa issegwasen. Neccin nfehem bil.la aqaber qber i erweqt (atenció precoç) netta d aggay n tiskarin i aghref amezyan i akud amezwaru n tudart ensen xmi aseghmi itâettara nigh aqqet di axatar asyewqeâ manaya. Tracca n Ilemmasen useghmi n temzi d uqaber qber i erweqt (Centres de Desenvolupament Infantil i d'Atenció Precoç) demnen aqaber azuyaz di marra Katalunya.