Amalal weqbar

Di ca n iddaden ih'enjan d iâzuray sâeddun tudart ensen di bera amesten (desprotecció) d amarret (maltractament): tijjit n macca d/nigh tixessit n tazdugi, aâeddi n agharan nigh anefsani, aâeddi n erjens, aâeddi di erxedmet. Mara wa yedji aqaber ih'enjan d iâzuray rexdenni darrant tanefsect d arrimet idiyaâent irmad ensen di timettique u zemman aten âanen gha ughiyeb ugherbaz, iqessih'en useghnas ametti, atg. 

Qibar i addaden-a Tadeblit tazuyazt ughir xas atexdem x manaya mah'enda adyiri rewqa d izerfan n ih'enjan d iâzuray. Amehla Amattu Uqaber n Temzi d Taâzuri (Direcció General d'Atenció a la Infància i l'Adolescència, DGAIA) itcejjeâ arrah'et imezyanen idjan deg axatar ameqran ufazi n timetti, mah'enda adâawnen gha useghmi wudem ensen. Itegg ura d amesten d tamard'it n imezyanen i yedjan weh'densen u netta i gha yedja amnus uh'ettu ensen s tiggit n min yeqqa asad'uf.

I tmanit n talghut anexzam di:
http://www20.gencat.cat/portal/site/bsf/menuitem.7fca6ecb84d307b43f6c8910b0c0e1a0/?vgnextoid=4e0622a30e5a4210VgnVCM1000008d0c1e0aRCRD&vgnextchannel=4e0622a30e5a4210VgnVCM1000008d0c1e0aRCRD&vgnextfmt=default

Tighilmin Uqaber n Temzi d Taâzuri (Equips d'Atenció a la Infància i l'Adolescència) nihni ghasen amnus uwezzen n addad umezyan d tarrawin, teggen isumar i wesrah' umezyan u teggen ijj waddaf n tiggit n reâbarat ix msetfaqen ak isadaren neghnit izemman adxedmen di addad-a: issedjih'en imettiyen n tighiwanin, aggayen n taghellist, imessunen-iselmaden, atg. Nihni d isadaren iticcen aâemmed anefsi d ametti i tarrawt ih'enjan-a, tamard'it ensen tiri gha Jiniralitat.

Djan ca n allalen umesten n imezyanen, cnaw ina:

• Aqaber deg ijj n Alemmas Wezdugh n Tiggawt Usinen (Centre Residencial d'Acció Educativa, CRAE). Akessi deg ijj n tasudut netta d asidef umezyan deg ijj ulemmas i gha kis dyasen mah'enda asucen aqaber d usinen isitxessan. Sekkant gha ulemmas-a xmi itwaran tijjit ennes nigh ixessa atesbaâden x tarrawt ennes deg ijj n erweqt waha u xmi tugha wa tzemma ateksi ura d ijj n tarrawt nigh d ca n benadem.

• Alemmas uqebber (centre d'acolliment). Assedjih' wezdugh, amezlay nigh d amecrac n Amehla Amattu Uqaber n Temzi d Taâzuri, ghas ijj n aggay isadaren imxedjef (ad'bib, anefsani, amselmad d amqabar ametti), netta iteggen axza waddad n imezyanen d tarrawin idasen sekken, mah'enda adeggen asumir n reâbar ennes. Gha alemmas uqebber, sekkan ghas ghi imezyanen enni iteh'wajan ijj uqaber deghya u ixessa atenesbaâed x tarrawt ensen.

• Alemmas i yazmen (centre obert). Aghsur userqi d uqaber umezyan i yedjan di axatar barra i erweqt ugherbaz. Ahinu ennes netta d aâd'ar wudem, takessit n iremmaden imezwura d aqaber n ineqqisen umetti d usinen. Netta d ijj n allal ix tirin iseqqumen n tifughalin, tighiwanin nigh timesmunin timezlayin usizwa ametti.

• Bera allalen-a, imezyanen i gha yedja tamard'it zemman adâicen ak tarrawin ikessin (famílies d'acolliment), umi ticcen aâessi umezyan-a mah'enda aghas yiri ijj useghmi yekmer di addaden n tudart d isebh'anen, s temenyat d tuh'nit.

Iâzuray enni i tugha ghasen tamad'irt n Amehla Amattu Uqaber n Temzi d Taâzuri uca qefren 18 issegwasen, ghasen ca n reâbarat mah'enda atenâawnen gha usidef ensen di timetti d erxedmet:

• Pisu s uqaber (Pis assistit). Allal iâzuray i tugha ghasen tamard'it uca mghan di resnin maca wa ghasen bu tizemma ensen nigh idemman mah'enda adeksin ixfensen. Allal-a ticcent ura i imezyanen jar 16 d 18 issegwasen i gha yedja tamard'it n Amehla Amattu Uqaber n Temzi d Taâzuri ghi di ca n addaden.

• Anhil wad'af di timetti d erxedmet (Programa d'inserció sociolaboral). Dayes: armad qber i erxedmet, erxedmet d amezzag; aâemmed i wad'af ametti d ijarriben n erxedmet di tirmisin. Teggenas iwâezri ijj umwusi i erxedmet, netta akis itiri deg azmaz mah'enda adyawed gha azarug di timetti d erxedmet.