Amalal weqbar

Alemmas Uqaber Amezwaru (CAP)
(Centre d'Atenció Primària o CAP)

Alemmas Uqaber Amezwaru (Centre d'Atenció Primària, CAP), qanas ura alemmas adawsan (ambulatori) nigh lbiru wed'bib (consultori local), netta d amcan amezwaru mani gha nah' xmi ghanegh ca n lmuckil adawsan.

Di lbirawat ighiwanen adanegh ucen tansa ulemmas uqaber amezwaru i danegh dyusin x uzeddugh i ghanegh.

I kur bab n takard'a tadawsant tamezlayt ghas alemmas uqaber amezwaru ennes, deg ulemmas-a ticcennas ad'bib n tarrawt (metge de família) nigh ad'bib amattu d ad'bib ih'enjan (metge pediatre) i tarwa ennes. Di Alemmas Uqaber Amezwaru dayes ura assedjih' n tafirmilit (servei d'infermeria) d assedjih' uqaber ametti (servei d'atenció social) (axeddam/taxeddant ametti), u attas iman ura d ad'bib n tighmas, n tadawsa n ergins d n tarwa (amghawas n tarrawt) d imezzagen neghnit. Mara wa djin deg ulemmas uqaber amezwaru ennegh, rexdenni adanegh sekken gha ijj ulemmas neghnit.

Deg ulemmas uqaber amezwaru ticcenanegh ura talghut x tafada n tisinafin d ihilen userqi d usinen n tadawsa (asyam ih'enjan, macca, rehracat iresqen s ergins, SIDA, atg.).

Marra ilemmasen uqaber amezwaru ghasen assedjih' wexd'af (servei d'urgències) zi retnayen ar jemâa.

Alemmas Uqaber Azira (CAC)
(Centre d'Atenció Continuada o CAC)

Alemmas Uqaber Azira (CAC) (Centre d'Atenció Continuada, CAC) netta d ijj ulemmas uqaber amezwaru i gha yedja ijj ussedjih' wexd'af di sseft d wessan ighimiyen zi cha n dujenbir ar maghres. Maci marra ilemmasen uqaber azira azmen deg wessan ughimi âawed wa ghasen ca tiseâatin kif kif.

Deg ulemmas uqaber amezwaru adanegh ucen tansa d tiseâet n ulemmas uqaber azira i danegh dyusin x azeddugh i ghanegh.

Nzemma axas nazu di:
http://www10.gencat.net/pls/catsalut/cawpk500.inici

Aqaber amezzag
(L'atenció especialitzada)

Ad'bib ennegh amattu adanegh yini ma ixessanegh anah' gha ad'bib amezzag (metge especialista) nigh anegg ixzaren wed'bib ukemmer.

Dinni ilemmasen uqaber amezwaru i gha yedja id'biben imezzagen u dinni inneghnit wa ghasen ca. Inni wa gha yedji ca adanegh sekken gha ulemmas uqaber amezwaru i gha yedja ad'bib amezzag i neh'daj, gha ijj ulemmas i timesna n rehrac nigh gha ijj ussedjih' n spitar.

Issedjih'en-a zemman adirin di taghiwant n tazeddixt ennegh nigh di tenni i danegh yudsen, s wexza gha uttun imezdaghen.

Alemmas n spitar
(Centre hospitalari)

Di spitarat (hospitals) nzemma anaf: issedjih'en n id'biben ughimi, issedjih'en i tiyita (tiyita, tarwa...) d iseâettuyen n barra (consultes externes), mani sâettun id'biben ixzaren qber i tiyita nigh awanas d waddaf imehrac, ura d assedjih' wexd'af.

Deg ulemmas uqaber amezwaru adanegh ucen tansa n spitar i danegh dyusin s wexza gha uzeddugh i ghanegh.