Amalal weqbar

Di spitar mani gha yexreq emmi adanegh ucen takard'a n tadawsa (carnet de salut), dayes itarin umlan ithiman n wexraq n emmi. Awanas ad'bib n ih'enjan adayes itari umlan n wesyam uh'enja d tisinaf i das gha itteg.

Xmi gha yexreq, emmitnegh atiqaber ijj wed'bib ih'enjan ulemmas uqaber amezwaru ennegh ar 14 issegwasen. Isiman ixessa adah'en gha wed'bib ih'enjan kur 1 nigh 2 n chorat. Awanas atafed tah'en kur assegwas gha usâettu amattu u adatfen tafada n tisinaf. Mara emmitnegh yehrec, nzemma atnawi gha wed'bib ih'enjan bera ma netta ass d tiseâet, zi retnayen ar jemâa. Mara d erh'ed nigh d sseft, ixessa atnawi nican gha assedjih' wexd'af ih'enjan imezyanen n spitar.

Takard'a n tisinaf nteh'wajat xmi itenteggez emmitnegh deg ijj ugherbaz. Mara ah'enja nigh tah'enjat wa yexriq bu danita, ixessa asnini i wed'bib ih'enjan man tisinaf isnegga di tammart ennegh. Mara teqqimas ca n icten, ad'bib-a astyegg. Ârah'ar marra tisinaf nihenti batter.

Xmi gha yeqfer 14 issegwasen, emmitnegh adisâettu gha ijj wed'bib n tarrawt. Xmi ghas eggen tisineft taneggarut n temzi, ixessa asazmen ijj n ercighed amaynu i di gha arin marra tisinaf iseggin di temzi u dayes adarin ura tinni ghas eggen xmi gha yemgha. Netta qannas takard'a n tisinaf (carnet de vacunació).

Tilghutin neghnit:
www.gencat.net/salut/depsan/units/sanitat/html/ca/dir441/doc12018.html