Amalal weqbar

Imasargulen gha angraw adawsan n Katalunya.

Marra iwd'an enni inzeddegh di Katalunya ghanegh azref uqaber adawsan, bera axza gha addad ennegh adebli.

X Aqaber adawsan azuyaz itiri xas Agezdu n Tadawsa (Departament de Salut) n Jiniralitat n Katalunya.

Angraw adawsan akatalan netta d ijj n angraw yessar, ghi deg ijj n tracca usexdem azuyaz ismuna marra allalen idawsanen, d izuyaz nigh la, netta yarru ijj wensay n timesmunin (timsisiyin, tuddsiwin, imxedjaqen, ilemmasen n Takniset) s ijj umezruy uqaber n tadawsa.

Atilifun 061 CatSalut Respon
(El telèfon 061 CatSalut Respon)

I usehwen usiwer jar isadaren idawsanen d imehracen ibarraniyen, Agezdu n Tadawsa (Departament de Salut) ghas ijj ussedjih' atilifuni qanas Tadawsa tarra (061 CatSalut Respon) n 24 tiseâatin, zayes isadaren idawsanen d yenni ixeddmen deg uqebber adawsan zemman adettan ijj ussedjih' utarjem. 

Waxxa yammu, mara wa nfehem, wa nessiwir tutlayin tunsibin n Katalunya ixessa anexzam wi gha kinegh irah'en gha wed'bib, anexza ca n ijjen zi tarbih't ennegh mah'enda adanegh iâawen.

Ura neccin, cnaw imsexdamen, nzemma anragha mara ghanegh ca ucekki di tadawsa nigh mah'enda anesseqsa x marra min isghensan ak tadawsa, maca wa nzemma anetta assedjih' utarjem.

Ca n ilemmasen idawsanen ghasen issedjih'en n isadaren ih'ettan s wudem ensen mah'enda axanegh tajmen nigh adeggen amerwasu adelsan.

Tadawsa tarra:
http://www10.gencat.net/catsalut/cat/servcat_24h.htm