Amalal weqbar

Jjiran d tijirarin wegmam ennegh nigh n taghiwant mani nzeddegh nzemma aneddes di timesmunin n jjiran (associacions de veïns), nihni tirin d imucan umâaci d ucaci. X manaya ixessa ancacem marra jjiran d tijirarin di timesmunin n jjiran, mah'enda anâawnem gha useghnes ametti u nettat cnaw tiggit n tiqqermi.

Taggara n timesmunin-a nihenti tina:

• Ad'afeâ n tighdufin timutta n jjiran d tijirarin, cnaw isexdamen d inni i gha sekkan ineggura n armud n tandint, tadelsant, taddalent, usinen, n tadawsa, n tazeddixt, n timetti, tadmist, n asadur, atg., s usejjeâ n rexdayem tisebh'anen.

• Ticcit n talghut i jjiran d tijirarin x marra timesrayin itirin n taghduft ensen u ticennasen ijj uâemmed.

• Asejjeâ ucaci agherman n icricen d marra jjiran d tijirarin.

• Taneflit ugenses n jjiran qibar i tideblin tizuyaz.

• Ah'ettu d tmattit i Tadeblit ukemmer n izerfan iâtarfen i tiqqermi cnaw:

  • Takessit n talghut deg umcan n timesrayin itirin d taghduft n marra

  • Asumer n tiskarin deg usentel n tideblin tizuyaz

  • Ad'af di marra isentalen n Tadeblit tazuyazt mah'enda adefâen x tighadufin timutta n ighermanen

  • Asexdem n imerwasiyen izuyaz i timesmunin n jjiran d tijirarin,deg alaghmu n tiwura ennes

  • alaghmu n azref n tizzat tagherfant

  • alaghmu uh'ettu n Tadeblit d adafeâ n izerfan usefrek d usefrek ak inneghnit

  • akessi n tamâawent n temenyat x isumar

  • asar ensen, deg ucawa, deg azmaz wexraq n isujiden i gha yedja timezri amattu n tangawin itqarraben gha isexdamen

• Asmuni d usufegh n timetta d istedâiyen n jjiran d tijirarin qibar i tideblin tizuyaz d carikat (timunin n trisinti, erghaz, aman, tibbenayin, atg.).

• Asejjeâ n tamsetla, tugdut d tamâacat jar jjiran d tijirarin s uhezzi n tiskarin mah'enda anâawen gha ughermem, ca iman, ntic ijj ussedjih' umerwasu n jjiran

Timesmunin n jjiran teggent ura d irmaden umetti d udelsan(timeghriwin, isaragen d ismahalen, uraren imeqranen), ticcent issedjih'en uneseh' asad'uf x isentalen n jjiran (tarbih'in n jjiran, iqewamen, atg.) u carcent deg izumaz n talghut d icaciyen x isenfaren n tandint d imettiyen ittegen tideblin tizuyaz.

I tmanit n talghut nzemma anexza web n Amuni n timesmunin n jjiran n Katalunya (Confederació d'associacions de veïns de Catalunya):
http://www.confavc.org/