Amalal weqbar

Tanefsect n tinmegliyin jar timura ittujan d timura imeh'wajen tenheza ikatalaniyen d tikatalaniyin mah'enda addefâen timesmunin n tamsetla tagraghlant, qanasent timesmunin maci n anabad i taneflit, (organitzacions no governamentals per al desenvolupament, ONGD). Timesmunin-a teggent isenfaren di timura igwan gha taneflit mah'enda adâedren addaden ensen n tudart, teggen ijj n degg amaynu n iseghnasen jar timura ugafa d anzul u adâawnen taneflit tekmer n marra igherfan d idelsan.

Timegga n timesmunin maci n anabad i taneflit twejhent gha barra di timesrayin cnaw asinen, tadawsa, tafedjah't, anaber mgal ayar udmis nigh allal isway, ura twejhent gha weghraf akatalan s usujed n irmad uh'essi ak tinmegliyin jar agafa-anzul, tanezzut taghdimt (comerç just) d usinen i taneflit.

Iwd'an enni beh'ra idireh'gen ura neccin nzemma ancac di amussu n tamsetla tagraghlant s timesmunin n imhajan iteggen isenfaren n tanfilt di tighiwanin n eraser, manaya qanas acaci di taneflit (codesenvolupament), axemmem-a ixedjeq zeg ubeddu i zi iwd'an ihajan nihni d imeggan n taneflit n timetti n eraser ura n timetti weqbar. Tiggawin ucaci di taneflit nihenti attas iman tirint d ijarriben jar idelsan, arami itemxumbur amâjawen jar iwd'an ihajan d udmawen n tametti weqbar. X manaya yedja ura d tagheduft n jjiran d tijiranin imaynen i ghasen gha yirin s umxumber ensen deg isumar imesmuniyen.

I tmanit n talghut x ucaci di taneflit nzemma anexza web n Tuddsa Takatalant Umedhel i Taneflit (Fons Català de Cooperació al Desenvolupament):
http://www.fonscatala.org/midel/ct/

I tmanit n talghut x timesmunin maci n anabad i taneflit nzemma anexza web n Uddus Akatalan n timesmunin maci n anabad i taneflit (Federació Catalana de ONGD, FCONGD):
http://www.fcongd.org

Ura d Aghsur Akatalan Umedhel i Taneflit (Agència Catalana de Cooperació al Desenvolupament):
http://www.gencat.net/cooperacioexterior/cooperacio/