Amalal weqbar

Ahaja n iwd'an idyusin zi marra imucan n amdal itiri ghasen ca n iqsih'en umsihar d wad'af di tametti takatalant. Mah'enda anuc tarrit i ih'dajen ensen xedjqent timesmunin n tamsetla itticen ca issedjih'en igwaren gha uâedder n addaden n tudart n yewd'an beh'ra d ireh'gen.

Nihenti d timesmunin ud'afeâ x izerfan n yewd'an d umenghi mgal aghezzu d ufazi di timetti d tadamsa. Xeddment, mah'enda atiri ijj n timetti tegg tugdut n izerfan d remwajab, ammu awar n tighermi itiri di amdal yekmer.

Issedjih'en n timesmunin-a nihni maci ghi i iwd'an ihajan, ura tadfent deg isentalen idduman ktar i igherfan ihajan. Ura yammu, nihni tirin d issedjih'en d imesdagen ak tideblin tizuyaz u nihni tirin di tracca n allalen izuyaz. Ammu, nihenti d timesmunin xedment ak aggay n tazettat usmuni di tiseâet n tiggit n irmad ennes. X marra manaya, acaci di timesmunin-a izemma adanegh yuc, arami neccin d iwd'an beh'ra nreh'egd, ad'af di amdal amesmun akatalan.

Ticcetidin n irmad ittegen nihni d iziraren attas, maca nzemma atenesquded di trata n isentalen:

Aqbar:

• Talghut d issurifen weâdar n recwaghed n erbarraniyet

• Talghut, asekki d, mara d axessi, asiwed gha issedjih'en izuyaz

• Talghut d taghda x erxedmet

• Aqaber di addaden uh'daji n deghya

• Abeddi kinegh di ixessiyen imezwura

• Atajem d tamerrit gha attas n tutlayin

• Tamerwaset jar idelsan

• Asinen n takatalant d tasepanyut

Tugdut:

•  Adâi n wefraz agensi

• Ash'aq n izerfan n tissi

• Aâemmed d tamâawent n izruzagh

Tamâacat:

• Asejjeâ d ubezzeâ n tamezla tadelsant di Katalunya

• Aseghmi n iseghnasen jar idelsan jar jjiran iqdimen d imaynen

Arami maci marra timesmunin wa ghasent ca issedjih'en kif kif wa djant di marra tighawin, ixessa anqarreb gha Uxxam n taghiwant mah'enda adanegh sexban x timesmunin ixeddment deg usentel uhaji.