Amalal weqbar

Ijj n degg neghnit ucaci agherman izemma adyiri s tudart tasertit n tammart. Ighelnawen isepunya i gha yedja kta zi 18 issegwasen uca tiri egzen di tghiwant ghanegh azref d ughir uxetta n igensisen ennegh deg inabaden imxedjafen, nexs anini, anesexdem azref ennegh n wacah'.

Ammu, ghanegh abâa isentalen ucaci s tiggit wacah': asentel arupi, asentel uwanak, asentel amzireg d asentel aghiwan.

Asentel arupi
Àmbit europeu

Amuni n Urupa netta d ijj umuni n iwunak imagdayen imzurag itejjan tanaya ensen arami nihni jehden u ghasen ijj n tazrirt di marra amdal ura d ijjen zaysen wa izemma aghas tiri mara weh'des. X manaya ixessa aghasen irin ca n tisuda tinemzalin mah'enda adzemman ad eksin tightasin di aswir arupi x timsal n taghd'uft n marra iwunak icacen. Ca n rebâad zi tisuda-ya nihenti d Aseqqamu n Umuni Arupi, d Tasmilt Tarupect, d Axxam n teghdemt n Taghdemt d Amni Arupi. Iduba d timasiyin n marra tisuda tirupiyen temsetfaqen xasent iselwayen nigh ineghlafen imezwura n marra Amuni d imnan ennes itensah'en.

Zi tisuda-ya, tiqqermi n Umuni Arupi nxetta s waceh' x imazanen d timazanin di Amni arupi kur xemsa issegwasen. Tiwura n Amni nihenti d tiggit isud'af, aghasen yiri tizemma uwezzen d uh'ettu s tugdut marra tisuda icacen.

Asentel uwanak
Àmbit estatal

Kur abâa issegwasen nxetta igensisen ennegh di Aswir n Imazanen d Aseqqamu Amniyi, uca nihni i gha xedan, jar iduba isertiyen ixach'en attas, aselway n Anabad asepanyu, immarsen di Madrid d timagliwin n timnadin ennes.

Asentel amzireg
Àmbit autonòmic

Di Katalunya tasudut inxetta s wacah' agherman netta d Amni n Katalunya. Igensasen ennes nihni d 135 imazanen d timazanin inxetta s tifernin kur abâa issegwasen jar marra ikabaren isertiyen umi ucin agenses. Tiwura ensen nihenti d axd'a n aselway n Jiniralitat, ah'ettu n tigawt ennes n anabad d tiggit d awafeq isud'af.

Asentel aghiwan
Àmbit municipal

Ixxamen n tghiwant nihni d tasudut ih'ekmen u nihni d igensasen n ijj n tghiwant. Nihni daysen anemghur d aggay n inabaden d tinabadin, nihni tfessaren u segwaran timsal tizuyazin usentel aghiwan. Inabaden d tinabadin xettanten s wacah' kur abâa issegwasen; zeg inni ixettan ixessa adinin wi gha yirin d anemghur.

Imhajrn ɣurnɣ azrf ad nfrn dg tfranin n tmdinin i ibrannin-nni i llan zi kra n  tmura mani isbbunya frrnen di tfranin-a. Ass-a ɣursn azrf-a imhajrn n Tdukli Turubbit, Bulibia, Kap Bird, Kulumbia, Ikwadur, Islandya, Nnurwij, Niw Zilanda, Baraguay, Biru d Tcili.

Ixessa anesxedmem azref ennegh wacah', mayemmi tisertiyin iteggen deg iswiren imxedjafen n unebbad sbiyanend erxad'a n tiqqermi.

Ikabaren isertiyen d timesmunin tinmaliyin
Partits polítics i organitzacions sindicals

Timegga neghnit ucaci di tudart tasertit nihenti tirint s waltagh deg ijj ukabar aserti nigh deg ijj n tamesmunt tanmalit. Djan ikabaren isertiyen n marra tagdiwin attas iman swejjaden s tissi, i di djan marra iwd'an iltaghen. Tissi xettant s tugdut imdgaren i ticettidin imxedjafen ifarrnen.

Di timesmunin tinmaliyin daysent ixeddamen i wed'faâ d asmil n tighedufin udmisen d imettiyen n imecracen ennes. Nihenti tmunant deg ilemmasen inmaliyen nigh deg uddusen, zemman adirin d imzurag nigh aghasen yiri ijj n tagda tasertit.

Ighermanen d tighermanin ibarraniyen,bera wexza gha addad adebli i ghanegh, di Spanya ghanegh azref mah'enda aniri deg inmula s tirelli u nzemma aneggez deg ijj n tamesmunt tasertit deg iddaden kif kif i ighelnawen isepunya.