Amalal weqbar

Deg usentel amsardi itbaned akketar adelsan d umetti. Tamend'awt tasepanyut teqqa bil.la Spanya nettat d ijj Awanak anmezray (Estat aconfessional). Asad'uf n tirelli tamsurda demman tirelli n tisret,  x uya marra iwd'an zemman adamnen di tiserdin u anâebden, deg uslig nigh deg uzayez, manaya wa itiri d sibbet n tanmeglit nigh wefraz qibar i asad'uf.

Tasagat tamsurda itxessas adiwenni jar tiserdin mah'enda adiâawen gha tusna jarasen d tamâacat jar imezdaghen d timezdaghin s tiserdin mxedjafent.

I tmanit n talghut nzemma anexza di:
http://www.unescocat.org

Mah'enda aghanegh yiri ijj wemcan weâbad ixfenegh d ijj usteâref d azayez ixessa inedfaren n ijj n tisret anmunem deg ijj n tamesmunt tamsurda. Di awanak asepanyu addad n tamesmunt tamsurda iticit Aghlif n Taghdemt.

I tmanit n talghut nzemma anexza di:
http://www.mju.es

Di Katalunya, Anemhal Amattu n Timsal Timsurda (Direcció General d'Afers Religiosos) isexbara u ineseh' x issurifen ixessa anegg mah'enda ijj n tamesmunt tamsurda atiri nican u iqebber timesmunin enni gha yedja tamarsit di Katalunya.

Ura yammu d anesseh' qber i tarezmit n ijj n ulemmas i weâbad ixessa anemcawam ak Axxam n Taghiwant x uslagan i ghasen di tghiwant-a.