TIMESMUNIN N IMSUDAR

ASSOCIACIONS DE CONSUMIDORS

Ighermanen d tighermanin neccin d imsaghen d imsudar n tirmisin d issedjih'en u ca n marrat xmi ntwara wa danegh ticcen ijj uqaber d asebh'an nigh ghanegh icekiyen x takwit d usexdem n ifuras d issedjih'en. Mah'enda andafeâ u anneseh' marra aghref x asadur xedjqent timesmunin n imsudar (associacions de consumidors), ghasent issedjih'en i imsudar d isexdamen, n ijj n wudem nigh wattas. Tqabaren icawaren n iseghnasen jar timesrin d isexdamen x timesrayin cnaw tina:

  • Azalen d tizettatin n ifuras d issedjih'en

  • Aqaber i wemsagh

  • Ccorot n kuntratat n issedjih'en

  • Issedjih'en i awani azenzi

  • Taghara n ifuras d issedjih'en

Manwen ma aceki neghnit x wattas isentalen cnaw: tazeddixt, atilifun, iserdilen n timrisin d iqewamen, inigen, tadawsa, imsenyan, taghellist n macca...
 
Timesmunin-a ticcent ijj ussedjih' asadri:

  • N talghut n marra ghi x izerfanen n imsudar d isexdamen.

  • N wensah' i icricen d ticricin ennes, netta d asefrek d isurifen n icetciyen iâramen d idâiyen iserqan x marra tarrawt.

  • Arezmen icekiyen d imcawan x aslagan n rexxu.

  • Teggent rexdayem umerwasi d usujed n isurifen n anfaray n asadur (arbitratge de consum) mah'enda adarezmen barra icreâ imenghiyen usadur.

  • Teggent tighuri x ifuras d issedjih'en n tirmisin d tideblin tizuyaz deg usentel n asadur.

  • Teggen irmad n talghut d taghna i imsudar.

  • Tzergen ingawen n talghut (tisghuni, tirezza, atg.) x isentalen cnaw tadawsa, asinen, tazeddixt...

  • Swejjaden irmad, imsawaren d timeghriwin usinen deg asadur.

Mah'enda ankemmer marra degg uqaber n wedmawen, iwd'an enni maci d icricen zemman adesxedmen issedjih'en icerâiyen s timetta n ijj umerqi ucawa d axeddes ussedjih'-a.

Zi tagheduft n timesmunin d tideblin tizuyaz xedjqent lbirawat Ighiwanen n Talghut i Umsider (oficines municipals d'informació al consumidor), wanita d ijj ussedjeh' deg umcan d batter itâawan imsudar d isexdamen adefâen x izerfan ensen s talghut qber, aneseh' d weqbar n icetciyen n isentalen usadur.

I tmanit n talghut nzemma ancawa Amuni n Imsudar n Katalunya (Unió de Consumidors de Catalunya):
http://www.consumidors.org

Ura d Aghsur Akatalan n Asadur n Jiniralitat n Katalunya (Agència Catalana de Consum de la Generalitat de Catalunya):
http://www.consum.cat/