Ercighed amazlay itzemlen marra icricen itixedjqen, netta issawar x tiggit n tamesmunt-a, asmarsi n izuyar d wexd'a n Junta directiva / Aghraw anemhal. Di tira-ya ixessa adayes irin marra umlan n marra icricen itixedjqen: isem, ismawen n tarrawt, ercighed usteâref, azeddugh d azmul.
Irmad ittegg Tamesmunt n babaten d yemmaten imeh'dan n kur agherbaz tejja ad yiri asermad d tirarin n irmad ukemmer i yeh'ramen, barra i tiseâatin ugherbaz. Irmad-a zemman adirin d addalen, tutlayin, rexdayem s ifasen, azawan, tighuri, atg.
Awar-a issawer x takessit iteggent timgharin n azarug ameqran i wudem ensent nigh i marra tarbih't ensent mah'enda nihenti adtirint ktar deg igmanen n ugenses d tizemmat, tiri d udmisen nigh isertiyen,d idelsanen nigh d imettiyen.
Amsaddar barra i weghdam n tarezmit n imenghiyen deg usentel n asadur netta itiri xmi imuren imqabaren wa temsetfaqen x warzam asebh'an uca tâewren atyazem ijj uzaraf anefray. Nihni ticcen awar ensen x weqbar n tarezmit igha yeh'kem wanita.
Agman ameqran n anabad n ijj n tamesmunt. Carcen dayes marra icricen, nihni teggen imâewaren imagdayen. Inefeâ ura i wewzan n webrid i tuzzer tamesmunt, i asmarsi usizwa n reh'sab ura mah'enda adeggen isumar i imar. Ughir adeggen waxxa ghi icten deg ussegwas. Zemman ura atenesmunen s zyada mara d tixessi n waddad.
Amuni n yewd'an imaghzalen itmunan, s tirelli d tamsetla mah'enda ad'awden gha ijj uhennu n marra itsen tiri netta n aghd'wf amatu nigh amazlay; mah'enda adeggen manaya ticcen awar ensen x umuni n timesna ensen, irmad nigh tighbula i ijj n erweqt nigh i rebda.
Tamesmunt taghrimt bera anekwi n arrbeh', txeddem i wedfaâ n izerfan n imsudar. Gha issedjih'en ennes takwaden ghasen ghi icricen ennes, nihni txeddasen ijj n tasmekta mah'enda adirin zi tamesmunt-a.
Agman amagday ugenses n tarrawin deg ilemmasen usinen. Iswejjad, issexbara, issegwara tarrawin deg issedjih'en cnaw axxam n macca, ighimiyen nigh irmad awani ugherbaz. Manwen ma zi babaten nigh yemmaten zemman adirin d icricen ixedmen di tamesmunt n babaten d yemmaten n kur agherbaz u dayes aghasen yiri ijj n remtebet, mayemmi nihni xettanten s waccah'.
Ahinu ennes d ah'arrec ucaci d usiwer jar jjiran n agman u nettat cnaw agenses ennes qibar i Tadbelt mah'enda adesiwren x timetta d imnusen ensen. Tesswejjad taggayt n irmad, cnaw uraren n agman nigh timeghriwin, nettat ticc ura d talghut.
Ahil n Amari Amatu n Addal i marra iwd'an enni gha yedja issegwusa ugherbaz, mah'enda anh'arrec tiggit n addal s ijj wexza usinen, userhu d umâaned, s useccen n tabiyet. Ihenuyen n ahil idemmanen tarnit deg imar, amu aghas itiri ijj n takwit umâedjem yemgha d umâaned n addal akatalan.
Tamesmut i wa ifarqen jar icricen ennes arrbah'at n irmad ennes, ina tejjanten i tiggit n irmad nigh n isenfaren i tessujad tamesmunt.
Tamesmunt tadelsant tazem i marra dunect bera afraz nettat tsedjeh' i marra tarbih't. Ahenu ennes d wazam gha timesna n tazuri, n tasekla d tussna.