VIZA
EL VISAT
Viza (visat) d ercighed itticen tigensas diplumasiyen d lbirawat n erqunsuliyat tisepunya i yedjan di barra ticen tesrih' i yewd'an ibarraniyen mah'enda adadfen gha tammart tasepanyut uca adeggen irmad enni ix dasen ucin viza.
Mah'enda anessen mani djan tigensas diplumasiyen d erqunsuliyat tisepunya nzemma ancawa tawriqt-a:
www.maec.es
Djan attas n degg n vizat:
viza n ughimi di sibbet n tarrawt, isariyen nigh isadaren
viza n tighuri
viza n tazeddixt
viza n tazeddixt d erxedmet ixfennegh nigh gha inneghnit
viza n tuzzut n erxedmet
viza n uâettu
viza n unuji
Tirezmin isbeddant issurifen n tuttra n vizat nzemma asentnegg aâawed di adabu uxasem-adebli. Vizat enni i wa qebren ixessa adirint di sibbet n vizat ukessi n tarrawt nigh vizat n erxedmet i ineghnit.
Iwdan-nni illan zi kra n iwunak ur tn-txss kra fiza n uɣimi, fiza-nni umi nttini fiza n umrray; mala ammu nzmmr ad nadf ɣr tmurt n Sbbanya s kra n ttggart n usafar (títol de viatge), maca ixss ɛawd ad ɣurnɣ ili mara min tettrn dg umgrad 4 n RLOEX (maymmi txsd ad tadfd, ttmnyat i ɣurk, ili ur ak-nnan kra aqa ur ak-ttjjin ad tadfd…), nzmmr ad nqqim 3 n iyyurn dg uzgn n usggwas. Maḥnd ad tssnd man tmura i zmmrn iwdan-nns ad adfn war fiza d inni umi txss fiza n uɣimi adfm ɣr web: http://www.interior.gob.es niɣ Aslagan (CE) 539/2001, ittwabddl s Uslagan (CE) 2414/2001, Aslagan (CE) 453/2003 d Uslagan (CE) 1244/2009.
Ixessa anessiwer x viza n tuzzut n erxedmet (visat de recerca de feina), itlugen deg Amsetfaq x Wad'af ixeddamen (Acord de Contingent) netta i tiri i tarwa d ayawen n isepunya x rejdud nigh i ca n rexdayem; viza-ya tejja aitbab ennes adadfen di tammart tasepanyut, adeggzen cnaw imettaren n erxedmet di issedjih'en izuyaz n erxedmet u zemman adeqqimen di Spanya 3 n cchorat. Mara deg ughimi n benadem aghed'uf yufa erxedmet zemman aseggen kuntratu rexdenni uca asucen ijj n tesrih' n tazeddixt d erxedmet gha inneghnit; mara maci yammu, bab n viza ixessa adyefegh zi tammart tasepanyut xmi gha qdan 3 n cchorat ughimi. Degga n viza lugentet deg uma amezwaru s Umsetfaq x Wad'af ixeddamen n ussegwas n 2006.
