TAGHELNA

LA NACIONALITAT

Ibarraniyen enni intiri di Spanya nzemma aneksi taghelna tasepanyut x tazeddixt, nigh x iseghnas udmawen ennegh ak isepunya nigh x resbab imaghlayen.

Ixessa anini mara ucinanegh taghelna tasepanyut wa danegh bu h'esben cnaw
isepunya x rejdud (espanyols d'origen), mayemmi ina xerqen s babatsen nigh yemmatsen d isepunya, imezyanen i yabban s recwaghed isepunya, inni xerqen di Spanya s babatsen nigh yemmatsen d ibarraniyen maca nihni wasnucin ca taghelna nigh xmi wa nessin wityiran nigh inni xerqen di Spanya ghasen babatsen nigh yemmatsen tiri tugha xerqen ura nihni di Spanya.

TAGHELNA X TAZEDDIXT (NACIONALITAT PER RESIDÈNCIA) nkessit s useccni di Aggez Aghrim (Registre Civil) n tazeddixt s recwaghed, bera asbeddi u tiri nettat neggit qber i tuttra di tammart tasepanyut deg ijj n erweqt, tbeddar s wexza gha taghelna n ergens n weghd'af.

Erweqt n tazeddixt s recwaghed ixessa adeneccen nettat n 10 issegwasen cnaw tagnut tamezwarut, siwa di imaghlayen-a:

  • 5 issegwasen mara ghanegh azayer n uzrazagh

  • 2 issegwasen mara neccin d ighelnawen n timura n anzulamirikani, Burtughal, Andurra, Filipinat, Ghinya Ekwaturial d udayen

  • 1 ussegwas i ighelmayen-a d yusin:

    • Iwd'an ixerqen di Spanya.

    • Iwd'an imercen ak ijj ugherman d asepanyu 1 ussegwas u xmi ettan taghena tugha wa msefraqen s asad'uf nigh s tigga.

    • Iwd'an tughayen addu tamad'irt, aâessi nigh akessi n ijj ugherman nigh tamesmunt d isepunya di 2 issegwasen kemren.

    • Iwd'an enni wa ggin azref n wexda.

    • Ijjaren d tijjarin n ighermanen isepunya, ghi mara yemmut amremrac nigh tamremract ensen uca tugha wa msefraqen s azref nigh s tigga.

    • Iwd'an ixerqen barra i Spanya uca babatsen nigh jedditsen tughayen d isepunya x rejdud.

Anabaḍ akatalan ad igg lkwaɣd n tmhajrt n usɣrd maḥnd ad igg asɣln d asbbanyu s tzddiɣt. Nzmmr ad naf ktar n talɣut xf mana-ya di:
www.gencat.cat/benestarsocialifamilia/immigracio/estrangeria

TAGHELNA S WEXD'A (NACIONALITAT PER OPCIÓ) nkessit mara neccend iseghnasen udmawen nigh n tarrawin ak ighermanen d isepunya, cnaw amedyaten, benadem i yedjan nigh i tugha adu reh'kamet n erwalidin isepunya nigh benadem zi babas nigh zi yemmas isepunya x rejdud xerqen di Spanya.

Aneggaru, taghelna tasepanyut s tebrat n waddad (la nacionalitat espanyola per carta de naturalesa) atucen x Ajeldi tanat n Anabad xmi tirint ca n ighelmayen cnaw amedya, tucit n issedjih'en i Awanak deg usental aserdasi, adelsi, ademsi, aserti nigh addali.
http://www.mjusticia.gob.es/cs/Satellite/es/1215198282620/EstructuraOrganica.html