Tighuri s taxessit integg jar 16 d 18 issegwasen (bakaluriya d tekwin asadur).
Dayes 2 tesgharin: asinen amezwaru, qant ih'ramen zi 6 ar 12 issegwasen, asinen alemmas, qant inuba zi 12 ar 16 issegwasen.
Netta d aggez ennegh di Padró municipal / Uddun n tghiwant n wemcan mani ghanegh azeddugh rebda. Nteggit ghanegh nigh wa ghanegh recwaghed, uddun iticcanegh azref mah'enda anawad gha attas n issedjih'en izuyaz d imettiyen.
Azwel idised’haran ijj n wagra. Netta rebda ittegit ijj n reâdur uca itteggez di Aggez n Wagra. Xmi ntegg ijj n tazenziwt d tamesghiwt, ntegg ijj n tira tamaynut s ibeddiren n isem bab n wagra-ya, dayes yura taman, mamec i gha nxeddes d ccorot ixef nemsetfaq.
Iwd'an i gha yedja babas nigh yemmas d isepunya, nigh iwd'an enni iyeksi i tabit ijj ugherman asepanyu. Ibarraniyen ixerqen di Spanya h'esbenten ura nihni d isepunya x rejdud ensen mara ijjen zaysen tugha yexreq di Spanya nigh mara mmitsen was ucin taghelna n lwalidin nnes nigh xmi wa tessnen wityiran.
Asmuni n ilugan itirin x yewd'an enni innufan mah'enda ad'emnen izerfan ensen.
Asad'uf itejjan Tadbelt atesufegh ibarraniyen iyedjan bera recwaghed di Spanya, am yenni dyudfen bera tesrih' d yenni wa zemman adâawden i recwaghed. Asufegh-a itah' akis Prohibició d'entrada / Tikkest n wad'af, manaya yexs adyini, wa zemman addewren gha Spanya nigh gha ca n tammart n Territori Schengen / Tammart Schengen deg issegwasen i gha tini Tadbelt.