Amawal
- Catàleg d'ocupacions de difícil cobertura / Agherraybi n rexdayem uâant i uâemma:
-
Ticcarrid'in iteggen kur tertecha issedjih'en izuyaz n usexdem, daysent i kessin rexdayem enni umi tiri yuâa adafen ixeddamen. Manaya itehwin anegg ijj n waârad' n erxedmet i ixeddamen ibarraniyen tiri wa zedghen di Spanya.
- Cèdula d'inscripció / Tawriqt n aggez:
-
Ercighed iticen iduba isepunya i ibarraniyen enni idjan bera recwaghed, nihni ixessa adecnen bil.la iduba ensen wa xsen asnucen pasapurti.
- Centre d'Atenció Primària (CAP) / Alemmas Uqaber Amezwaru:
-
Qannasen lbirawat n idbiben n tghiwant. Amcan mani xanegh isâeddu rebda adbib netta d amcan amezwaru mani ixessa anah' mara nehrec. Di lbirawat n tghiwant adanegh ucen tansa n Alemmas Uqaber Amezwaru s wexza gha azeddugh ennegh.
- Centres oberts per a adolescents i infants / Ilemmasen azmen i ih'ramen d iâzuray:
-
Issedjih'en n wass i ih'ramen d iâzuray tiri aqayen di axatar ametti, imucan-a teggen ijj n erxedmet n userqi d uh'ettu, barra irweqt n ugherbaz. Tâawanen, th'arracen, annin deg ucaci ametti d takessit n iremmaden imezwura d n umend'er, ura tkafan ineqsiyen n timetti t tabiyet n yewd'an. Ilemmasen-a zemman adirin n tghiwant nigh d timesmunin bera asebbeb, Tadbelt nettat ihen itxeddasen.
- Certificat d'antecedents penals / Aselkiw n isizwan imernuten:
-
Ercighed ittic Aggez Amasi n Imuziren d Imfelasen netta yeqqan ma wenni ititettan âemmas wa xas h'ekmen x ca n tirmeggit tamernut. Nzemma atnetta d taselkiwt di asenduq n tibratin nigh anawi tuttra gha tamagla n tamnat n Aghlif n Taghdemt.
- Col·legiació / Aggez agherbazi:
-
Di Spanya, i usxedmi n ca isudar ixessa ughir aniri neggez deg ugherbaz asadur mani gha danegh ucen tamesnit d tesrih' mah'enda anexdem asadur enni. Cnaw ina, djan igherbazen n asafar, n tajinyurt tiqniya, n tafirmilit, atg.
- Constitució espanyola / Tamendawt tasepanyut:
-
Asad'uf n tissi n Spanya izi teggen u d'emnen izerfan d ughiren n tiqqermi, netta itlugan u itfessar timegga n uzemar, d igmanen ennes d imsagaren itirin jarasen.
- Contracte de lloguer / Kuntratu n recra:
-
Ercighed itzemlen wenni itcarran d amcarri u dayes yedja marra ccorot n umsetfaq i zi benadem amezwaru itic tazeddixt ennes i wenni wis tenayen mah'enda atyesexdem s uxeddes n ijj n tasmekta n temenyat.
- Contracte de treball / Kuntratu n erxedmet:
-
Ercighed itiri s umsetfaq jar ijj n benadem nigh tarmist d ijj n uxeddam. Itfessar iwaren n umsetfaq: ad'umi n kuntratu, ass n erxedmet, ussan ughimi, texriset, atg.
- Còpies compulsades / Kupyat debâent:
-
Futukupyat iddebeâ tamesmunt enni isufughen erasel, demnent bil.la nihenti nican cnaw ercighed ah'qayqi. Degga n kupyat sxeddamentent i recwaghed enni wa nzemma anuc erasel mayemmi itghima gha bab ennes.
- Criteris de reciprocitat en el dret al vot / Tignawin n tamsarrit di azref n wacah':
-
Tamendawt tasepanyut tqebber azref n wacah' n yewd'an ibarraniyen deg intixabat n tghiwant, xmi itiri ijj umseâder nigh tamsarrit ak tammart ennes. Rexxu qebbren azref-a ghi iwd'an enni zi Amuni Urupa, Argintina, Kulumbya, Ekwador, Izlandya, Peru, d Trinitat d Tubagu. U qaâd sawaren xas Bulibya, Burkina Fasu, Azedjif Aziza, Tcili, Zilanda Tamaynut, Paraguay, Tagduda n Kuria, Urugway d Binizwila.
