ISUD'AF

LEGISLACIÓ

Imasargulen gha usentel n timezra iccariâen.

Izerfan d ughiren n yewd'an ibarraniyen di Katalunya d isurifen idebliyen itxessan mah'enda aneâd'er recwaghed ennegh nihni d ijj n erh'ajet ulugen di Asaduf ubarrani (Llei d'estrangeria) (LO 4/2000, n 11 yennayer, x izerfan d tirelli n ibarraniyen d wad'af ensen di timetti) di Aslagan (Tanat Tajeldit 2393/2004, n 30 dujenbir) ititfessaren.

Aslagan-a issawaren x ibarraniyen netta d awanak, maca ca n imjadan tirin n isentalen iqeddaren n Jiniralitat n Katalunya, x manaya tenjeh' Tanat 188/2001, n 26 yunyu, n yewdan ibarraniyen d wad'af ensen di timetti n Katalunya.

Aslagan-a issawar x ibarraniyen n barra i urupa, yexs adyinni, x yenni wa xasen itiri anhil n urupa n ighelnawen Umuni Urupi, n Tafughalt Tadmist Urupiya (Norwej, Islandya, Liechtenstein) d Tasmunit Taswisrect; anhil n urupa netta itiri ura x:

  • I urgaz niɣ tmɣart i mlkn, mala ur bḍan niɣ msfhamn maḥnd ad bḍan niɣ tmɛacrn jmiɛ ur mlikn maca siggzn ixf-nnsn.

  • I tarwa-nns niɣ tamɣart niɣ argaz-nns mala ur bḍan jrsn niɣ rzzun ad bḍan.

  • I babas d immas n inni i ɣursn ljinsiya niɣ n tmɣart niɣ argaz-nns mala ur bḍan niɣ xsn ad bḍan.