Amalal weqbar

Di Asad'uf n erbarraniyet dayes ca ixalfawen inzemma anegg ighermanen ibarraniyen nigh isepunya uca di sibbet ensen zemman adanegh eggen tifgurin tidebliyen, tasmekta ensent adirint s wexza uxata n ixalfawen inegga. Tifgurin izemman adanegh eggen nihenti tina: tafgurt (multa) d asufegh (expulsió).

TIFGURIN zemmant anteggent i imxalfawen nihni d ighelnawen nigh d ibarraniyen, maca mara imxalfawen nihni d ibaranniyen zemman adbeddren tafgurt x usufegh. Maca wa zemman qaâ adanegh eggen deg ijj uma s tnayetsent, tafgurt d usufegh.

Azzal xf kra n bnadm ittili mala igga kra n tmslayt d taxatart niɣ d taxatart aṭṭas εawd mala d abrrani; azzal-a ittkks mara lkwaɣd n tzddiɣt di Sbbanya i ɣurs εawd ili ur izmmr ad yadf (prohibició d'entrada) i yan wakud ur ittikkwiḍ ɣr 5 n isggwsa (niɣ di drust n imurn izmmr ad yawḍ al 10 n isggwsa mala abrrani-nni ur iḥli i uwanak) dg tmura n iwunak n Tmurt n Schengen. Xf wansu ttazzln xafnɣ zmmrn ad nɣ-ggn kra n tmslayin n uḥṭṭu (mesures cautelars), amcnaw azdaɣ dg umkan uḥds, ad nttraḥ kul ass ɣr insduba niɣ ad nɣ-kksn tawriqt n usafar, d kra n tmslayin nnḍni.

Azzal izmmr ad t-sbddn mala abrrani ittr tarwla zg uwanak-nns niɣ mala tamṭṭudt tggur ad taru ukan ili mana-ya ur iḥli i tmṭṭudt. Kra n ibrranin ur zmmrn ad xafnɣ azzln umi ɣurnɣ tawacunt di Sbbanya niɣ kra n tmslayin nnḍni qqnen-nɣ akd Sbbanya; cnaw ibrranin i ɣurnɣ takarḍit n tzddiɣt n wakud azgrar niɣ ibrranin i ɣursn iẓuran d isbbunya ukan dwln ur llin d isbbunya. Xf wansu mana-ya ibrranin ɣurnɣ azrf ad nttr tirgit n tɣdmt, waxxa ur ɣurnɣ kra ttmnyat d win-nni ad issuɣln mala ur nssin ils.

Ixessa anemsefraq jar asufegh d tarrit n ibarraniyen (devolució dels estrangers). Tarrit-a teggentet mara ibarraniyen tadfend gha tammart tasepanyut bera recwaghwed (zeg imucan maci uâettu) nigh xmi tadfen s ush'arreq n ijj uh'arrem n wad'af tugha ggin qber. Deg issurifen-a ghanegh ura azref uqaber accerâi batter d ijj umerraw.