Amalal weqbar

Aggez di tghiwant (empadronament) netta d aggiz di Axxam n taghiwant n tazeddixt n rebda u netta yeqqa ma ijj n benadem d ajja n aghref enni. Ammu rexdenni, uddun n tghiwant (padró municipal) netta d ijj n aggez adebli i di yura s ughir talghut x ismawen n benadem d ismawen n tarrawt, azzedugh n rebda, ma tamghart nigh dayaz, taghelna, amcan d ass n wexraq, nekwet, Uttun n usteâref ubarrani nigh ca n ercighed cnaw ina d asiwed n tighuri n benadem iyeggzen. Aggez-a ixessa atnegg di lbiru n Uqaber Ugherman (Oficina d'Atenció al Ciutadà) n tghiwant mani nzeddegh.

Nzemma aneggez di tghiwant marra yewdan enni iyedjan di Katalunya bera axza gha addad ensen adebli, ura d pasapurti issekwa mah'enda aneggez di tghiwant. Iwd'an ibarraniyen i gha yedja takard'a n usteâref n ubarrani ixessa anesxedmem ercighed-a mah'enda aneggez di tghiwant. Inni itettan erh'amiyet mah'enda adeggen aggez di tghiwant isedjh'asen ercighed n erxansu n tuttra n erh'amiyet, mara wa ghasen pasapurti.

Aggez di tghiwant iddakwar d ijj n tiggit tameqrant, mayemmi zayes itirin ca n izerfan d ughiren. Cnaw ina:

• Azref n aqaber adawsan(assistència sanitària) azayez.

• Azref n issedjih'en uqaber ametti amezwaru (serveis bàsics d'atenció social primària).

• Azref n issedjih'en n ilemmasen azmen imezyanen d iâzuray (centres oberts per a adolescents i infants).

• Azref n tamâawant n wexdaf umetti (ajudes d'urgència social).

Mah'enda aneggez di tghiwant ixessa, ak ercighed n usteâref n wenni ititettan, adneccen ghanegh tazeddixt s tira n wagra (escriptures de propietat) n tadart, kuntratu n recra (contracte de lloguer) nigh ca n ercighed neghnit i di yura isem umezdugh n tazeddixt, cnaw, amedya, fakturat n iqewamen (subministraments). Mara neccin wa nedji d bab necci nigh d wenni itcarran, ixessa nihni adanegh uccen tesrih' mah'enda aneggez di tghiwant, ammu, atneccen s ijj n ercighed n tesrih'-a, nigh ixessa bab necci nigh wenni idanegh iccarran akinegh irah' xmi gha negg aggez di tghiwant.

Imzdaɣ ibrranin i ur illin kra zi Urubba, inni ur tlli kra ɣursn takarḍit n tzddiɣt i ttkkn bahra n wakud di Sbbanya, ili kul sin n isggwasn ad nssiggz ixf-nnɣ ɣr wagraw n tmdint. Mala un nggi mana-ya ili agraw n tmdint ad nɣ-ikks zg ufaylu n usiggz.