Amalal weqbar

Wa yedji ijj n miâyar mah'enda anegg tasekwit (Renda) i recra. Nettat tenni iksen di kuntratu bab necci d amcarri, amu ura x erweqt uxeddes. Mara kuntratu wa yeqqar walu x manaya, ntxemmem bil.la ntxeddas recra kur char di 7 n wessan imezwura n kur char, deg fus di tazeddixt umcarri.

Xmi asemsar wagra itnuba bab necci, ntxeddas recra di lbirawat ennes nigh di tansa n erbanku (Domiciliació bancària).

Bab necci nigh wenni itinuben ughir xasen ad'uccen ijj n arrisibu (Rebut) n recra. Mara ntexeddassit gha erbanku, arrisibu n erbanku netta d arrisibu n recra.

Talghut i ghayirin di arrisibu:

• Talghut n bab necci, umcarri d tazeddixt

• Ass

• Marra min imunen deg ixeddisen, s issekwan msefraqen

Taman n recra yanni kur assegwas s umsetfaq n agbur n taman n asadur (Índex de preus al consum, IPC) itegg ermexzen. Bab necci ixessa ad'yeârem i wenni icarran mah'enda ad yani recra, s ijj n tabrat nigh di arrisibu, tmanit-a a tiri zi char idyusen.

Tixessura neghnit umcarri
(Altres despeses a càrrec del llogater)

Tixessura imunen nigh tixessura n tarbih't (Despeses de la comunitat) nihenti d tixessura iteggen marra tizeddagh d tih'una n erfuqi: tazdugi n druj, ah'ettu n tawat n wad'af, tfawt n druj, tiwesyin wexxam n tghiwant wejmaâ wefrad, tiwsi wagra wezdagh nigh IBI (Impost de Béns Immobles, IBI), atg.

Mara di kuntratu n recra wa dayes yuri ma tixessura-ya antixeddes amcarri, ixessa antixeddes bab necci. Maca, di kuntratu adayes yiri amsetfaq-a i zi amcarri adixeddes tixessura. Mah'enda aghas yiri tasekwit ixessa adayes yiri manaya:

a) Amsetfaq adyiri yura di kuntratu n recra.
b) Di kuntratu adarin tixessura ussegwas yekmer.

Mara wa neggi degga, bab necci wa izemma adixeddes tixessura umcarri.