Amalal weqbar

Ad'umi n kuntratu ad yiri imseâdar jar tenayetsen. Izemma ad yiri n ijj ussegwas, n tenayen, n xemsa, n âecra... nigh ghi n ca n chorat.

Maca, yedja ijj n akemmer wed'man amezyan (Termini de garantia mínima), zayes amcarri itiri ghas azref n tmanit (Prorrogar) di kuntratu ar gha yawed gha ijj ud'umi n 5 issegwasen, mara yexs. Manaya yexs ad yini xmi gha nekkes awar x ijj ud'umi qel i 5 issegwasen, amcarri rebda itiri ghas ad'man n 5 issegwasen n tghimit di tazeddixt-a mara yexs, mayemmi netta izemma ad'yanni kur assegwas di kuntratu ar gha yawed gha ud'umi-a id'as ittic usad'uf.

Mara nekkes x kuntratu n recra s ijj ud'umi kif kif nigh ktar i 5 issegwasen, mah'enda anesbed kuntratu ixessa ankemmer marra akud i yedjan di kuntratu. Ura d ijjen wa izemma ad'yeqqim ughir deg ijj wemcan mara wa yexs, maca zemman ad'irin imenghiyen ak bab necci u netta izemma as yetta adixeddes x ud'arri d x usexsar arami wa ikemmer kuntratu.

Mara wa yuri walu di kuntratu x manaya, ntexemmem bil.la idduma ijj ussegwas.

Tmanit s uxettar
(La pròrroga potestativa)

Arirexxu nessiwer ghi x tmanit n ughir i umcarri, tenni iteggen i kuntratut n qel i 5 issegwasen ad'umi ennes yanni ar 5 issegwasen n wed'man amezyan.

Rexxu anessiwer x tmanit itzemma atiri xmi gha âed'un 5 issegwasen ittetan n ud'umi n kuntratu nigh xmi gha ikemmer akud n ud'umi n ijj n kuntratu kif kif nigh n ktar i 5 issegwasen. Di manaya kuntratu izemma ad'yani mara negga 2 n ccorot:

1) S tixessit n wenni icarran.
2) Bab necci tiri wa itâekkes.

Mech'a n erweqt inzemma anani:

Kur assegwas ar trata issegwasen. Mara bab necci wa iâekkes deg umezwaru, xmi gha ikemmer kuntratu, uca tbetta tmanit, ughir xas 3 issegwasen kemren n tmanit.

Amcarri maci ughir xas ad'yeqqim di tazeddixt trata issegwasen n tmanit mara wa yexs.

Mara amcarri nigh bab necci wa qqan walu, ntxemmem bil.la kuntratu itmani.

Mara maci yamu, ijjen zaysen ixessa as yini i wenneghnit wa yexs adyani di kuntratu, s 30 n wessan qber i ass ukemmer n kuntratu. H'sen ad'yiri kucci yura.