C - Amalal weqbar

Amawal

Cadastre / Tiggezt n tazeddixt:: Aggez adebli itiri xas Aghlif n Tadamsa d Amcan wagra u dayes issawaren x timezri n tizeddagh. Aglam-a issawar x sifet n tazeddixt, x tadamsa d taghdemt ennes. S taxezzat n manaya ticcen i kur tazeddixt ijj n tazmilt d tasekwit n tiggezt n tazeddixt.
Cambra de la Propietat Urbana / Axxam Wagra n Tandint:: Tuddsa iticcen anesseh' d asefrek s ijj n taghlamt n ih'rayfiyen. Ixessa aniri d ucricen mah'enda anawed gha issedjih'en ennes.
Cèdula d'habitabilitat / Tawriqt uzeddigh:: Ercighed unssib itselken tazeddixt s marra ccorot n taghellist d wayeh', adanegh txes i kuntratu n iqewamen n waman, tfawt d erghaz. Bab necci ughir xas atyuc i umcarri xmi gha zemlen kuntratu.
Certificat d'empadronament / Aselkiw n Uddun:: Tiggezt di uddun n tghiwant wemcan mani ghanegh azeddugh ennegh n rebda. Uddun netta d aggez adebli i di yedja azeddugh n imezdagh ennes d ilghuten imezwura uca zayes itteggen ah'sab n imezdagh. Nteggit ghanegh nigh wa ghanegh recwaghed, uddun iticcanegh azref mah'enda anawad gha attas n issedjih'en izuyaz d imettiyen.
Cessió del contracte de lloguer / Aqqettu n kuntratu n recra:: Aseâd'u n kuntratu n tazeddixt i benadem neghnit issekwa ghi s usileg yura n wenni itcarran. Mara maci yammu, kuntratu wa issekkwi uca x manaya kuntratu iqqetta.
Clàusules d'un contracte / Timsaggarin n ijj n kuntratu:: Neqqarasent “asekkil amezyan” n kuntratut. Ccorot iâiynen nigh n marra itirin di kuntratu enni. Di kuntratut n recra, ccorot n marra tassend ggzent di ercighed n anawak; inni iâiynen itteggiten wenni itcarran u nihenti xasent i temsetfaqen wenni itcarran d amcarri. Ixessa antengha s reâqer,mayemmi zemmant adessiwrent x ca n tixessura n izerfan umcarri.
Comunitat de propietaris / Tarbih't n bab neccit:: Tarbih't n bab neccit n ijj n erfuqi nigh n taghlamt n erfuqawat itmunan mah'enda addefâen tixessi n marra itsen.
Contracte d'arres / Arres penitencials // Kuntratu n erâabun / Erâabun afguri:: Ercighed id'emnen akemmer x tamesghiwt d tamenziwt jar bab necci d wenni issaghen. Sxeddament i uh'uzi n tazeddixt. Attas iman nessawar x erâbun n afguri xmi wa ntekemmir x umsetfaq, rexdenni teggen ijj n tafgurt i bab necci d i wenni issaghen.
Contracte de lloguer / Kuntratu n recra:: Ercighed itzemlen wenni itcarran d amcarri u dayes marra ccorot umsetfaq i zi nesxeddam tazeddixt s uxeddes n ijj n tasmekta n temenyat, Renda / Tasekwit. Xzam Clàusules d'un contracte / Timsaggarin n ijj n kuntratu.
Contracte privat de compravenda / Kuntratu n tamenziwt d tamesghiwt jaranegh:: Ercighed i di yedja amsetfaq jar wenni issaghen d wenni isnuzan, zayes ughir xassen adkemmer x tamesghiwt d tamenziwt. Mara ijjen zaysen yeqd'u amsetfeq-a, ixessa ad'awden ar ermeh'kama.