Amalal weqbar

Akud ugherbaz maci s ughir i inuba gha yedja zi 0 ar 6 issegwasen. Tfarreq x 2 ikuden: Llar d'infants / Tajnant n Temzi (zi 0 ar 3 issegwasen) d Parvulari / Asinen Anibu (zi 3 ar 6 issegwasen).

Akud usinen ughir i ih'enjan gha yedja zi 6 ar 12 issegwasen, ghas 3 ikuden: Tasufeght Tamezwarut, Tasufeght Wezyen d Tasufeght Tameqrant. Di kur tasufeght dayes 2 issegwasen n tighuri.

Akud usinen ughir i teggen iâzuray gha yedja zi 12 ar 16 issegwasen, di kur ijjen dayes 3 n tisufghin n tenayen issegwasen.

Tadiwennit jar asalil d tarrawt teggentet abeâda ijj umar deg ussegwas i ttek tighuri. Texsen aducen talghut i tarrawin imeh'dan x ticri ghasen deg wermad n mmitsen nigh n yedjitsen, maci traghan i tarrawin ghi mah'enda asenssiwren x srabet i tegg umeh'da nigh tameh'dat.

Xza Llar d'infants / Taddart wesyam.

Igherbazen n tutlayin i yewd'an enni gha yedja kta zi 16 issegwasen, tejjanten adremden tutlayt takatalant, tutlayt tasepanyut d attas n tutlayin tirupiyin nigh maci d tirupiyin. Bab ensen d azuyaz, imeh'dan txeddasen ghi aggez ugherbaz.

Igherbazen n imeqranen u teggen timeghriwin wermad n tighuri nigh armad n tutlayt, ura d tighuri i wad'af di tasdawit. I tiri xasent Agezdu Usinen (Departament d'Educació).

Ihilen n tighuri bera aslagan i iâzuray wa i xeddmen u ghasen qel i 25 issegwasen uca ggzen deg Servei d'Ocupació de Catalunya u yuâa xasen adafen erxedmet, danita ticcennasen ijj ufuras n wermad n ijj n erxedmet, kessin ajarreb n erxedmet d taghda usadur. I tiri xasen Servei d'Ocupació de Catalunya.