TIZRAWIN TISDAWANIN

ESTUDIS UNIVERSITARIS

Ttinin-asnt εawd tizrawin i uεlant. Di yunyu n 2009 inɣlafn n usgmi i uεlan n 29 n tmura n Urubba ira zmln #Abrrḥ n Bulunya (Declaració de Bolonya)# i di illa ddsas i ubnay n Tallunt Turubbit n Usgmi i Uεlan (Espai Europeu d’Educació Superior, EEES) maḥnd ad ikml mara di 2010.

  • Tizrawin qbl i IESS
    Digs tiskiwitin n tiɣuri, ukan ḥssbn tiɣuriwin-a i digs s yan tmslayt ttinin-as asmad. An usmad digs 10 n isragn n tiɣuri. Digsn kraḍ (3) n tiɣuri:

    • Tiɣuri tamzwarut. Ttkk 3 n isggwasn ukan tticcn-ak Azwl n Ugrdas, Umslmad, Umasdag Atiqni niɣ Amuhndis Atiqni.

    • Tiɣuri tis sin. Ttkk sin isggwsa ukan ittili ɣurk azwl n Turagt, Umasdag niɣ Umuhndis. Mala tkmmld tiɣuri tis sin ili tzmmrd at tggd tiɣuri tis kraḍ (Dduktura).

    • Tiɣuri tis kraḍ. D ihiln n Dduktura ukan tticcn-ak Azwl n Dduktur.

    • Izwiln unsibn d ubddl-nnsn. llan d unsibn εawd skkwan di mara tamurt n Uwanak asbbanyu.

    • Izwiln uḥdsn. D tiɣuriwin ur llant kra d tunsibin ukan ssakkwadnt ɣr yan uzwl ur illi kra d unsib, tqqbl-t tasdawit-nnsn waha. Ggin am tiɣuriwin tunsibin, s mana-ya din tiɣuri tamzwarut, tis sin d tis kraḍ.

 

  • Tizrawin dwlnt akd IEEES
    Dwlnt nffεnt dg Urubba tkml. Mara tiɣuriwin ttkkn akud am tizrawin nnḍni, ibridn n ulmad d usgmi d uḥsab n irmudn n tiɣuri n tsdiwin.

    • Tizrawin n tsddart. Digsn 240 n ismadn. Tticcn yan uslmad xf waṭṭas n tmslayin maḥnd ad ssujdn inlmadn maḥnd ad ggn irmudn di kra n trmist.

    • Tizrawin n mastir. Ttkkn jr 60 d 120 n ismadn. D yat n tiɣuri tizzar ssujjadn digs inlmadn maḥnd ad krzn di trmisin, niɣ ad bdan ad rzun di tɣuri i ggin.

    • Tizrawin n dduktura. Digs dg umzwaru yan wakud n usujd di tɣuri awar-nns digs yan wakud n urzzu d ntta illan d ihil n dduktura.

Tizrawin tunsibin n mastir bdan zi usggwas 2006-2007, inni n tsddart bdan di 2008-2009. Tizrawin n uɣawas aqbur, dg usggwas 2010-2011 tuɣa ur ssidifn kra iwdan d imaynutn dg usggwas amzwaru n turagt, agrdas, amasdag, amuhndis, amasdag atiqni d umuhndis atiqni, maca inni i tn-ibdan ɣursn akud al 30 cutnbir di 2015.

 

I tlɣut ktar xf ukala n Bulunya d tizrawin i uεlan di Katalunya nzmmr ad nadf di web n Tmarit n Tsdiwin d Urzzu (Secretaria d’Universitats i Recerca):
http://www.gencat.cat/economia/ur/ambits/universitats/index.html