Amalal weqbar

Asinen amezwaru ughir (Educació Primària Obligatòria) i tiri zi 6 ar 12 issegwasen u itekk setta issegwasen n tighuri, farqenten di trata n tisufagh : Tasufeght Tamezwarut (zi 6 ar 8 issegwasen), Tasufeght Wezyen (zi 8 ar 10 issegwasen) d Tasufeght Tameqrant (zi 10 ar 12 issegwasen).

Deg akud-a texsen aducen i ih'enjan d tih'enjirin ijj usinen i marra itsen mah'enda adremden ismessuyen imezwura idelsanen. Xeddmen akisen armad usiwer, n tighuri, n tira d reh'sab s uttunen, ura d tamusni n ugama d ametti, armad n rexdayem s ifassen, azawan d aseymi n arrimet. Tcejjaâen ura d armad n tebayeâ umâaci, n erxedmet d weh'fad.

Zeg Asinen Amezwaru ar Bakaluriya tarwanegh d isitnegh ghasen isermaden mxedjafen i kur tanga, maca ijjen zeg isermaden-a netta i teggen addaf n rexdayem ugherbaz d tamâacat jar imeh'dan. Netta d Asalil nigh d Tasalilt (Tutor/Tutora) u kiss gha nessawar rebda xmi i ntxemmem di ca n erh'ajet ugherbaz ithiman mmitnegh nigh yedjitnegh.