Amalal weqbar

Asinen n temzi (educació infantil) itiri zi 0 ar 6 issegwasen u teggent di tenayen akuden:

• Tajnant n temzi (Llar d'Infants): zi 0 ar 3 issegwasen. Qber i gha qefren 3 issegwasen nzemma anawi tarwanegh gha tijnanin n temzi, qannasent ura taddart wesyam (escola bressol). Waxxa netta maci d aswir ughir, netta d aswir ithimman arami ah'enja ibedda tamâacat ennes ak inneghnit, Ahezzi n arrimet (psicomotricitat) ennes d wermad usiwer n tutlayt.

Axxam n tghiwant itic talghut x tracca n tiddura wesyam n taghiwant mani nzeddegh. Amecnaw itewqiâ ak ilemmasen usinen neghnit, tijnanin n temzi zemmant adirint d tizuyaz, s tamâawent n anabad nigh d timezlayin.

• Asinen anibu (Parvulari): zi 3 ar 6 issegwasen. Deg issegwasen-a maci ughir adrah'en adghan di ugherbaz, maca netta d anessih' mah'enda ih'enjan ad'ennamen h'sen ak tuddart ugherbaz. Bettan azmaz n tighuri d tira d reh'sab s usexdem ujeddif d timesna n marra min dasen d itenden.

Netta d ijj ussedjih' batter xmi i tiri d alemmas azuyaz, netta qannas Alemmas Usinen n Temzi d Usinen Amezwaru (Centre d'Educació Infantil i Primària), xmi netta d ijj ulemmas d amezlay itâawanit anabad itxeddasas azyen n tixessura i ghas.