Amalal weqbar

Imasargulen gha angraw usinen n Katalunya.

Marra ih'enjan d tih'enjirin i zeddghen di Katalunya ughir xasen adrah'en adghan gha ugherbaz. Tmacit gha ugherbaz nettat d ughir zi 6 ar 16 issegwasen, bera axza gha addad adebli i ghasen.

Angraw usinen n Katalunya netta batter deg ilemmasen itxeddasen s temenyat tizuyaz. Qanasen ilemmasen usinen izuyaz (centres educatius públics) d ilemmasen usinen imezlayen s umâawen n anabad (centres educatius privats concertats).

Igburen n ihilen n tighuri n marra ilemmasen (izuyaz, imezlayen s umâawen n anabad nigh inni bera amâawen) nihni kif kif arami ggwan s asad'uf usinen d ijjen.

Asgmi d tawzut n Ugzdir n Usgmi n Jiniralitat n Katalunya (Departament d’Ensenyament de la Generalitat de Catalunya) (http://www.gencat.net/ensenyament). Igrawn n tmdint ttεawanen di usiggz dg uɣrbaz d irmudn awar n tiɣuri.

Angraw usinen akatalan netta issar: ih'enjan d tih'enjirin qqan deg ufilal d ijjen u teggen irmad kif kif.

Tutlayt takatalant nettat d tutlayt usuyar (llengua vehicular) ugherbaz; nexs anini, nettat d tutlayt tamezwarut wermad d i usiwer x usinen. Nettat d tutlayt n irmad wawar d tira, n angawi usermed, n idlisen n ad'ris d irmad wermad d adez. 

Ifilalen uqaber
(Aules d'acollida)

Tarwanegh d isitnegh, xmi gha yadfen gha ugherbaz, ateneggen deg ijj n taggayt ufilal i gha dasen dyasen x issegwasen i ghasen. Mara wa sinen tutlayt takatalant, di chorat imezwura adeqan ca n tiseâatin deg afilal uqaber (aula d'acollida), mani i gha remden takatalant i zi gha zemman adatfen deghya timeghra bera iqsih'en.

Tasghart waggez di ugherbaz
(Comissió d'escolarització)

Mah'enda aneggez tarwanegh d yesitnegh deg ijj ugherbaz ixessa anegg timetta i tasghart waggez di ugherbaz (comissió d'escolarització) i danegh dyusin x uzeddugh i ghanegh.
Di lbirawat ighiwanen adanegh ucen tansa n Tasghart i danegh dyusin x uzeddugh i ghanegh.