T - Amalal weqbar

Amawal

Tallers d'ocupació / Ihensawen n erxedmet:: Ihilen izuyaz n wermad bera aslagan i yewd'an enni yedjan deg ughimi tiri eggzen cnaw imettan n erxedmet di Servei d'Ocupació de Catalunya / Assedjih' n Erxedmet n Katalunya u ixessa aghasen irin kta zi 25 issegwasen. Nihni texsen aducen armad d erxedmet i yewd'an ibedden zi erxedmet u adeshewnen adaf ensen di ssuq n erxedmet. Nexs anini, zemman adaysen cacen iwd'an i tiri âemmas wa xd'imen nigh inni tiri, tugha xed'men qber, uca xsen addewren adxedmen âawed.
Targeta de crèdit / Takard'a userdil:: Tawriqt iqwan n plastik i di yedja ijj uttun usteâref d isem d azmel n bab ennes. Teggentent timesmunin tigraghlanin (Visa, Diners Club, Carte Blanche...), itticen tesrih' i bab ennes mah'enda adizmel recwaghed uxeddes i tamesghit n wagra nigh n issedjih'en (tiwriqin usinen, isensan...). Tismekta-ya kessintet kur char zi erbanku nigh zi asenduq ennegh, mani ghas gha bab ennes ijj n amd'an n reh'sab yarzem. Nzemma ura atentnesexdem mah'enda adnessufegh temenyat deg umcan. Teksenanegh attas n tmanit n erbanku.
Targeta de diners o de dèbit / Takard'a n temenyat nigh n wattar:: Takard'a n plastik cnaw tenni ixnessiwer qber, erbankawat d isenduqen ticcentent i imectariyen mah'enda atesxedmen di Caixers automàtics / Tisenduqin utumatik. Ura tenefeâ mah'enda anxeddes deg umcan isghiyen nigh issedjih'en, rexdenni teksen tasmekta n tasekwit se zi temenyat i yedjan di amid'an n reh'sab nigh di alug.
Transferències bancàries / Iseâduyen n erbankawat:: Assedjih' itticent timesmunin n tizraf netta d aseâdu n temenyat zeg ijj n amid'an n reh'sab gha teneghnit di tammart d icten nigh di barra.
Treball per compte d'altri / Erxedmet gha inneghnit:: Erxedmet integg gha ijj usemras nigh gha ijj usadur x takessit n ijj waghrud u attas iman ntekkes xas s umsetfeq n tenayetnegh deg ijj n Contracte laboral / Kuntratu n erxedmet.
Treball per compte propi / Erxedmet i ixfennegh:: Erxedmet integg i ixfennegh, wa xanegh tiri ca tarmist. Neccin iteggen rasmar d erxedmet, amedyata xmi nazzem astug ennegh.
Tresoreria General de la Seguretat Social / Tabaghurt Amattu n Taghellist Tamezdayt:: Udus n Taghellist Tamezdayt mani smunan marra allalen udmisen d tadeblit n tizraf. Netta itirin x waggez n tirmisin, waggez di taghellist, isidifen d isufughen n ixeddamen d tyarrut n azalen, tanita nettat zi rexdayem ennes ithiman.