Amalal weqbar

Tamezwarut ixessa atawi gha iseghnasen n erxedmet di Spanya u di marra Amuni Urupa, ixessa atnegg ughir, u netta issawar x: ma d tamghart nigh d aryaz, addad aghrim, ergens nigh afgan, addad ametti, tamsurda nigh timna, ixemmimen isertiyen, taghda tajinsit, aggez deg ijj n anmalu, tutlayt, ineqqisen n reâqer nigh n arrimet.

Traghayanas ura tawriqt waghrud. Nettat d ijj n tawriqt n ercighed i danegh ticc tamrist i di nxeddem u tarin dayes umlan waghrud ennegh. Dayes tasmekta n temenyat n aghrud wa yesfi d Deduccions / Isneqqisen uxeddes i Taghellist Tamezdayt d IRPF / Tiwsi x wagra n iwd'an. Mindanegh gha dyefghen netta d tasmekta n temenyat isfan nigh n tinâacin idanegh gha ucen. Dayes yura ura d taggayt tasadrit d ass n taqdint ighanegh di tarmist-a. D ahimi attas axemmer ensent i xmi gha tenteh'waj mah'enda anetta ca zi texrisat n Taghellist Tamezdayt nigh mah'enda, di ca n iddaden, adnesbiyen aghimi ennegh di tammmart-a.

Uttun i danegh ticc Taghellist Tamezdayt ak kuntratu amezwaru. Netta i marra tudart ennegh, imzireg x Règim de cotització / Anhil uxeddes. Netta ghas asghun ak texrisat n temenyat.