Amalal weqbar

Tiwsi nigh aâecca aghiwan intxeddas deg ixxamen n tghiwanin u netta iteggez istugen d ifuras udmisen, isadriyen nigh inuzaren. Istugen i di sadafen qel i 1 melyun n iwruten wa tetxeddisen ca.

Tiwsi iteggzen asadur. Manaya yexs adyini bil.la marra reh'wayej inessagh d inni itmenzan d marra issedjih'en di taman ensen itadef dayes ijj n amur di mya % netta d tiwsi x azal immanin. Amur di mya % n tiwsi x azal immanin izemma adyiri 4%, 7% nigh 16%. Isemrasen d isaduren ughir xasen adxedsen tiwsi x azal immanin kur tertecha di Aghsur Aêccar, s ca n tifrit uâemma, aghsur-a netta iteniticen.

Tiwsi x min disadaf ijj n benadem nigh ijj n tarrawt. X tasmekta n isidifen (tissi ix fad'en) teggenasen ca ineqqisen (zi15% ar 45%) s wexza gha taggayt asadri, aghrud isfan, atg. d mindanegh d itefghen gha uneggaru netta d min danegh kessin. Mara neccin d imeghraden nzemma anza % n tiwsi x wagra idanegh kessin di Nòmina / Tawriqt n texriset. Marra dunect ughir xas adeggen aâram n wagra kur assegwas di Aghsur uâeccar, mani intxeddas nigh mani danegh tarran tiwsi x wagra ennegh. Mara neccin d isadaren nigh d tirmisin, axeddes-a atentegg kur tertecha.

Manwen ma zeg ighamiyen itmanin deg aghrud mah'enda adisenhez ijj n benadem. Zemmant adirint s temenyat nigh bera temenyat (asgaâed', armad, aâarref).

Mech'a di mya ubedder itirin di azalen n asadur deg ijj ussegwas. H'esbent s ijj usecni n ca n reh'wayej itirin di tissi n useqsi x tixessura n tarrawin. S wammu texsen adweznen, kur char, ticri n aswir n taman n wagra d issedjih'en usadur deg ijj n tammart. Agbur n azalen usadur tarint di Azizreg Unsib n Awanak u nzemma ancawa di tilifun nigh di web n Agherbaz Aghelnaw Uh'esseb.

Alghu ittic Tresoreria General de la Seguretat Social / Tabaghurt Amattu n Taghellist Tamezdayt dayes itarin talghut x wessan webday d usbeddi n ijj n erxedmet, d isem n tarmist d mech'a n wessan inxeddes i Taghellist Tamezdayt.

Min abh'ent timesmunin tizrafin x rasmar i yatren. Degg-a n tmanit netta d amur di mya i gha nxeddes x usexdem n rasmar i danegh atrent deg ijj n erweqt. Tmanit tzemma atiri rebda kif kif (rebda ntxeddas tasmekta d icten) nigh tbeddar (itbeddar x taman n temenyat d n ssuq n erâumla).

Tilmisin i gha ixeddes ijj n benadem ittasen temenyat i ijj n tamesmunt n tizraf arami iâetta deg uxeddes n ijj umawas. Netta cnaw tafgurt, degg n tmanit itirin d tameqrant x tasmekta intxeddas rebda.

Manaya xmi ntegg aseghnes jar iwd'an enni yazzun erxedmet d tirmisin iteh'wajan ixeddamen. Di Katalunya, Assedjih' Akatalan n Erxedmet netta d agman adebli itkafan x umerwasi n erxedmet.