Amawal

Acomiadament / Asufegh:: Tigawt i zi tarmist (carika) tkemmar ak issedjih'en n ijj uxeddam ennes. Asufegh-a izemma adyiri d amsaddar (ghas muberrira uca axeddam wa ghas itiri azref uxeddes n ijj ugharem) nigh maci d amsaddar (bera muberrira uca axeddam ghas azref uxeddes n ijj ugharem). Manaya maci issawar x usmuni n texriset ukemmer nigh x Finiquito / Texriset ukemmer.
Afiliar-se / Aggez:: Aneggez cnaw amecric n ijj n tamesmunt, n ijj n akabar aserti, n ijj anmalu, n ijj ayraw...Neqqarit ura xmi nteggez di Taghellist Tamezdayt: uca ticcenanegh Número d'afiliació / Uttun waggez di Taghellist Tamezdayt.
Agència Tributària / Aghsur Uâeccar:: Isem amezyan n Aghsur Uwanak n Tadeblit Taâeccart. Itiri xas Aghlif n Tadamsa d Axxam n wagra n Spanya u netta issegwaran ixeddisen n tiwsitin IRPF / Tiwsi x wagra n iwd'an u IVA / Tiwsi x azal immanin, n isemrasen d isadaren nigh n imuras.
Assegurances / Sighurut:: Kuntratu i di yedja amsaâdar jar wenni itteggen sighuru d wenni isighuran, dayes yura bil.la wenni iteggen sighuru isreqqa zayes taxessat n tad'iyuâ mara tuqqeâ ca n erh'ajet i wenni isighuran d istenfaâen ennes (mara aqayen ghas) s uxeddes n izalen nigh imhisen itxeddas wenni isighuran. Di sighurut imettiyen ittic ijj wed'man mgal tixessura n wedmawen izemman addarrent tizemma n erxedmet n iwd'an u zemman addarren ura i temenyat idessadafen.
Autònom / Erxedmet ixfennegh:: Axeddam ixeddmen ixfennes u maci gha ineghnit.
Autoocupació / Autoempresa // Erxedmet ennegh / Tarmist ennegh:: Assedjih' Wexraq n Tiremisin n Agezdu n Erxedmet d Tamguri itic talghut x ca n allalen i iwd'an enni ixsen adeggen ijj n astug: taghda i tarmist, tighbula n tizraf, armad, aâemmed...
Autorització de treball per compte propi / Tesrih' n erxedmet ixfennegh:: Tesrih'-a intetta iwd'an enni nedja d ibarraniyen maci d irupiyen mara nexs anexdem ixfennegh (amedya, mara nexs anazem ijj ustug nigh ijj n tah'anut). Nzemma atnetta di timuhal d erqunsuliyat n tammart ennegh.
Aval / Ad'man:: Kuntratu i zi ijj n benadem (wudem) nigh ijj n benadem acerâi (tarmist, tamesmunt, tanmiregt…) iddemen akemmer n ijj ughir idyefghen zeg ughir neghnit uca iqebber axas yiri. Sxeddamentet attas di iserdilen imrisen, xmi erbanku itwara benadem enni itettan tamrist wa ghas ca id'manen uca itettayas ca n ijjen atyend'em, nexs anini, ca n ijjen adyar x isem ennes mara wa izemma adixeddes izalen.