Amalal weqbar

Tamesmunt n tizraf itemxedjaf x erbanku arami netta wa ghas bu agra ennes ifaq di tifulin. Ijj n tasghart n temenyat idsadafen ticcentet i irmad imettiyen: timkardiyin, ixxamen userhu n iwessura, ihilen n isway agaman d ihilen i yewd'an beh'ra reh'gend danita.

Macinat ittejan imectariyen n ijj n erbanku nigh n ijj usenduq adeggen ca n isurifen n erbanku di 24 n tiseâatin: adesufghen nigh adesidfen temenyat, adxedsen arrisibut, adexzan agra n amid'an ensen…

Timesmunin (tanmiregt) ismunan nigh iâedren iwd'an nigh tirmisin i gha yedja afares udmis kif kif: tanezzut, tamguri, asafer di rebh'a, tafedjah't… Netta itic issedjih'en u idafaâ x ighd'ufen n imecricen.

Tira izemman adanegh ucen isemrasen n rexdayem tiqdimin i di tugha nexdem ixessa adayes yiri aswir n tard'it usemras.

Itiri xasen Servei d'Ocupació de Catalunya / Assedjih' n Tawuri n Katalunya. Teggen timeghriwin i yewd'an ixeddamen igzen cnaw imettan n erxedmet di Oficines de Treball de la Generalitat / Lbirawat n Erxedmet n Jiniralitat tiri wa xeddmen. Teggen ura d ikayaden usadri mah'enda adweznen timesna n isadaren ennegh uca ticcenanegh aselkiw i das dyusin. Attas zi tiggawin-a teggentent di tawart n intirnit e-CIFO.

Alemmas Uxedjeq d Taneflit Tarmiset. Itiri xas Agezdu n Tamguri, Tanezzut d Umerray n Jiniralitat n Katalunya (Departament d'Indústria, Comerç i Turisme). Ticcasent i tirmisin talghut d allalen mah'enda adesemghant amâaned, d uxedjeq d taghara.

Tamesmunt i di djan iwd'an ixeddmen deg ijj usadur kif kif, cnaw amedyata Agherbaz n Imastanen. Iwd'an enni i dayes yedjan ghasen ijj uttun ugherbaz itnitejjan adxed'men asadur ensen u bera netta wa zemman adayes xedmen. Igherbazen isadaren nihni n timnadin.

Di tammart ennegh, i usxedmi n ca isudar ixessa ughir aniri neggez deg ijj ugherbaz asadur mani gha danegh ucen tamesnit d tesrih' mah'enda anexdem asadur enni. Cnaw ina, djan igherbazen n asafar, n tajinyurt tiqniya, n tafirmilit, atg.

Tasmekta n temenyat (attas iman qqant s %) ikessint timesmunin n tizraf i imectariyen ensen xmi teggen ca isurifen cnaw isâedduyen n temenyat.

Ticcit wawar uxeddam umi txeddasen ijj n Prestació d'atur / Texriset ughimi mah'enda adyuzu nican erxedmet, adyeqber ijj wemcan n erxedmet d asebh'an u adicac di ca n tiggawin uhezzi, n talghut, n taghda, wermad, ubedder nigh wad'af asadur mah'enda a ghas irin attas n tizemma i twafit n erxedmet.

Amid'an jar tamesmunt n tizraf n erbanku d umectari zayes inesrusa nigh inesufugh temenyat u ntxeddas arrisibut, waxxa tiri n ticcit issedjih'en neghnit nigh n erbanku, ghi s tinâacin i dayes yedjan.

Ercighed integg s umsetfeq jar ijj n benadem nigh ijj n tarmist d ijj uxeddam. Kuntratu-ya itfessar marra iwaren umsetfeq: ad'umi n kuntratu, tiseâtin n erxedmet, ighimiyen, texriset, atg. Kuntratu-ya ixessa adyeggez di Oficines de Treball de la Generalitat l Birawat n Erxedmet n Jiniralitat u ghanegh ghi 10 wessan.

Amsetfeq n tarbih't itirin awani ijj usiwer jar iremasen, x ijj n jihet, d ixeddamen d inmalen, x jihet neghnit, teksen awar x texrisat nigh x ixeddisen neghnit maci s temenyat d iddaden n erxedmet. Ca n marrat itadef dayes ura d Awanak.

Tasmekta n temenyat itxeddasen s ughir iremasen d ixeddamen. S angraw-a ntxeddas angraw umesten ametti asepanyu u qannas Seguretat Social / Taghellist Tamezdayt.

Assedjeh' Wexraq n Tirmisin n Agezdu n Erxedmet d Tamguri (Departament de Treball i Indústria) itic talghut x ca n allalen i iwd'an enni ixsen adeggen ijj n astug: taghda i tarmist, tighbula n tizraf, armad, aâemmed...

Tasmekta n ijj wattar idanegh ttic tamesmunt n tizraf. Izemma adyiri yazem (uttunen xwan n temenyat ighanegh deg amid'an n reh'sab ennegh) nigh adyiri s Targeta de crèdit / Takard'a userdil. Amectari izemma adisexdem temenyat-a mara yexs.

Ercighed i zi ntexs anexdem deg ijj wemcan uca zayes intic talghut x ixfennegh: umlan n wudem ennegh, aswir n tighuri, ajarreb usadur d min nexs. Nanni akis ijj n tabrat uqeddem. Ilemmasen n talghut n imucan n erxedmet zemman adanegh cnen mamec gha negg ijj n aberh'il n tudart ennegh d asebh'an.