Amalal weqbar

Armad netta d ah'waji i usujed mah'enda anaf erxedmet d mah'enda wa ntweddiri amcan n erxedmet ennegh di timetti takatalant, netta yanniyanegh erfursat s ukessi n timesna d izemmaren i erxedmet.

Armad di Katalunya itiri d armad s aslagan (formació reglada) d armad bera aslagan (formació no reglada). Wenni amezwaru iteh'daja ijj n azwel d unsib; wenni wis tenayen wa titeh'wiji ca.

Armad s aslagan netta cnaw iselmaden i yedjan s ughir d batter (ar 16 issegwasen), armad asadri n aswir amerwasu nigh ameqran, bakaluriya, aselmed asdawan d aselkiw n igherbazen unsiben n tutlayin.

Di armad bera aslagan ntaf armad tawurit itxeddas anabad (formació ocupacional subvencionada). Waxxa wa danegh bu ticcen ijj n azwel d unsib, itic ijj uselkiw useh'da, n tiseâatin wermad d timesna inanni. Ticc timesna i alaghmu n ijj n tawurit, n tamrest, n ca n erxedmet, atg. S ijj wermad d amezyan, d ameqran, i tmanit, u anabad netta ititxeddasen di 100% i inni i dayes icarcen.

Djan ghi tenayen n degg wermad-a:

A. I ixeddamen iqqimen. Iteggit Assedjih' n Erxedmet n Katalunya (Servei d'Ocupació de Catalunya, SOC) ak timesmunin i kis icacen. Ixessa aniri neggez di assedjih' n erxedmet n Katalunya cnaw ametta n erxedmet, ixessa addad n timetta ennegh adyiri nican u ixessa aghanegh irin recwaghed (ghanegh tesrih' n tazeddixt nigh n erxedmet) mah'enda aghas nawed. Talghut d ingawen usinen i danegh ticcen wa tentxeddis ca. Ixessa adanegh eggen ijj n sighuru n laksidat.
X degg n tiggawt wermad, ca n marrat teggenanegh ca n tiseâatin n erxedmet i wermad di tirmisin. Di ca n tiggawin neghnit wermad, x mamec eggint, imeh'dan nzemma anetta ijj n tamâawent usinen d ermesruf i danegh itawi armad-a, maca s wexza n addad n kur ameh'da.

B. I ixeddamen ixeddmen yedja armad umani. Timeghriwin wermad umani zemmant adxerqent di tarmist mani nxeddem nigh deg uddusen inmaliyen. Di tiwriqin n texriset n marra itnegh teksennanegh ijj n tasmekta n temenyat i uxeddes wermad-a, x uyenni, netta d ijj n azref inzemma anegg marra ixeddamen.

Igherbazen ihensawen (escoles taller, ET), n tiddura usadur (cases d'ofici, CO) n ihensawen n erxedmet (tallers d'ocupació, TO) nihni d ihilen izuyaz n erxedmet itexsen aducen armad d erxedmet i yewd'an iqqimen, erxansu icarcen deg ijj usenfar ussedjeh' azuyaz nigh weghd'uf amattu, u nihni shewanen ad'af di ssuq n erxedmet. Isenfaren-a ghasen aseghnes ak tarrit n wagra d isway agaman, aqaber n yewd'an, atg. Ad'umi ennes izemma adyiri zi 6 ar 24 n chorat.

Inni iremd'en deg igherbazen ihensawen d tiddura usadur nihni d iâzuray enni wa xeddmen u ghasen qel i 25 issegwasen, maca inni iremd'en deg ihensawen n erxedmet nihni d iwd'an enni wa ixeddmen tiri ghasen kta zi 25 issegwasen, ixessa tiri ggzen di Assedjih' n Erxedmet n Katalunya (Servei d'Ocupació de Catalunya). Timesmunin izemman adessuyant u adeggent isenfaren-a nihenti d cnaw tina: timesmunin tighiwanin, tiggemin d timesmunin bera anekwi n arrbeh'.

Aârad n wermad n erxedmet itxeddas anabad i aghref axeddam (població activa):
http://www.oficinadetreball.cat/socfuncions/CercadorCursosSimple.do?idiomaNavegacio=ca

Ntadef dayes s:
http://www.gencat.cat/treball