Amalal weqbar

Imasargulen gha asentel n afares udmis d erxedmet.

Ifarasen udmisen n Katalunya tirin deg ijj n waddad n tadamsa n ssuq (economia de mercat), nigh cnaw di ca n waddad n iseghnasen ufares d ubedder n tarmist tarellit. Tiwdi di tadamsa n ssuq izemma adanegh yawi gha ca n iddaden uwedda n tugdut n timetti d tigullelt, waxxa dinni ca n inejjih'en n erxar n marra tarbih't. 
 
Tamsisit n tadamsa (globalització econòmica) texreq ijj n tuyat n ihri tugha âemmas wa yiri qber, n agra d issedjih'en n kur ergens di marra timmura yedjan (attas zaysen cedden ak tadamsa n ssuq). Yexreq ura d ijj n agraghlan n ssuq n erxedmet, manaya iddarra tuddart n remlayen n yewdan ithajan gha timura neghnit mah’enda adazun iddaden d isebh'an n erxedmet nigh erfursat timaynin.

Di timetti takatalant n erxedmet nettat d tiggit tamezwarut mah'enda aghanegh irin isidifen n temenyat i tuddart ennegh u nettat d abrid ithimman iyewd'an mah'enda anedmen acaci ennegh d wad'af di timetti.

Tawwart n Tamesmunt Tagraghlant n Erxedmet:
http://www.ilo.org

Talghut x umuni n erxedmet d tadamsa, erxedmet:
http://www.meyss.es

Erxedmet, armad n erxedmet:
http://www.gencat.cat/temes/cas/treball.htm

Di tadamsa n ssuq, akwad gha wagra d asadur itawi iwd'an adesghensen u ademerqan ak timesmunin n tizraf (entitats financeres) d timesmunin n tyawit (entitats d'estalvi): erbankawat d isenduqen usegfer.