Amalal weqbar

Aslagan n ibarraniyen i yedjan rexxu di Awanak asepanyu itegg ccorot enni iticen tesrih' n tazeddixt d erxedmet i ibarraniyen di tammart tasepanyut.

Amagrad 10 n Asad'uf wagman 4/2000 issawaren x izerfan d ughiren n ibarraniyen i yedjan di Spanya teâtaraf zi azref n ibarraniyen mah'enda adxedmen i ixfensen nigh gha inneghnit (ghi mara ghasen timettat i yedjan deg Asad'uf-a), ura d azref n wad'af di angraw n Taghellist Tamezdayt (Seguretat Social).

Di jjihet neghnit, amagrad 11 n Asad'uf-a iteâtaraf zi azref i ixeddamen ibarraniyen n anmalay (sindicar-se) s tirelli ensen nigh aggez (afiliar-se) deg ijj n tuddsa tasardit (organització professional) deg addaden kif kif i ixeddamen isepunya.

Aslagan n ibarraniyen itegg timettat, d isurifen d ccorot mah'enda azref n erxedmet adyiri nican, di kur addad, s tesrih'at ensen.

Mara nexs anessen x addad adebli ennegh, x uâawed n tesrih', akwad gha tesrih' n erxedmet i ixfennegh nigh gha inneghnit nigh x timesrayin neghnit, nzemma anah'em gha:

• Lbirawat n Ibarraniyen nigh Anesmigal n Anabad n tamnat mani nzeddegh;

• Ca issedjih'en ixeddamen ibarraniyen n inmalay;

• Issedjih'en batter n tracca n timesmunin maci n anabad nigh n timesmunin timettiyen udsent i uzeddugh ennegh (nzemma antnessen s talghut deg wexxam n tghiwant ennegh);

• Ancawa manten ma web iyesnen deg usentel-a (cnaw, web unsib n Agherbaz n Imestanen n Barsiluna (Col·legi d'Advocats de Barcelona, http://www.icab.es). Xza Igherbazen isaderen (col·legis professionals)

• Amcawar amezlay (imestanen, imcawaren icerâiyen).

Iwd'an ibarraniyen i gha yedja tesrih' n tazeddixt d erxedmet ensen admetâen s izerfan n erxedmet i zi iteâtaraf Azayer n Tamziregt n Katalunya (Estatut d'Autonomia de Catalunya) deg amagrar ennes 25, dayes cnaw izerfan-a:

• Azref wermad d usmil isadaren;

• Azref wad'af deg issedjih'en izuyaz n erxedmet, cnaw Assedjih' n Erxedmet n Katalunya (Servei d'Ocupació de Catalunya, SOC);

• Azref ukemmer n erxedmet deg addaden wed'man n tadawsa, taghellist d aweqqa n yewdan;

• Azref n talghut, d ucawa d ucaci di tirmisin.