Amalal weqbar

Kuntratu n erxedmet (contracte de treball) netta d amsetfeq itirin jar ijj n tarmist d ijj uxeddam uca zayes axeddam iteg ughir xas adyexdem gha asemras-a ixenni wanita ixas itirin iticac ijj n texriset x erxedmet ennes. Di kuntratu n erxedmet ixessa adayes yiri: texriset i gha ikessi uxeddam, ad'umi n kuntratu, ad'umi n erweqt uqedjeb, taggayt tasadrit, erweqt n ighimiyen, tiseâatin d erweqt n erxedmet i simana d ccorot neghnit n erxedmet.

Djan attas n degg n kuntratut, ura d isenheziyen (incentius) d ilmhisen (bonificacions) i usemras xmi itegg akuntrata n ijj n erweqt nigh i rebda s wexza gha ca n timezri i ghas gha uxeddam umi ggin kuntratu: issegwasen i ghas, erweqt waggez cnaw ametta n erxedmet, bera tizemma n arrimet ennes, n reâqer ennes nigh uh'essi, atg. Taggayin timeqranin i yedjan n kuntratu nihenti d tina:

1. Kuntratu i rebda: wenni ixef ntemsetfaq bera ih'eddiden n erweqt n erxedmet i gha negg (nigh deg ad'umi n kuntratu).

2. Kuntratu n ijj n erweqt: nigh ghi n ijj ud'umi.

Nzmmr ad nεawn ixf-nnɣ xf mara igatan illan di:
http://www20.gencat.cat/portal/site/empresaiocupacio/menuitem.32aac87fcae8e050a6740d63b0c0e1a0/?vgnextoid=c34e2e29df253410VgnVCM1000008d0c1e0aRCRD&vgnextchannel=c34e2e29df253410VgnVCM1000008d0c1e0aRCRD&vgnextfmt=default
http://www.sepe.es/

Izerfan imezwura n ixeddamen iteâtaraf zaysen Azayer n Ixeddamen (Estatut dels Treballadors) nihni wa nzemma atennej: azref waggez di ca n tuddsa tanmalit, azref n abeddi (vaga), azref n umuni, azref wermad d usnami usadri d udmis, azref n tadawsa, taghellist d tazdugi di erxedmet, azref umesten n tadawsa, atg., ghi mara ghanegh tesrih' n tazeddixt nigh n erxedmet di tammart tasepanyut.

Akemmer useghnes n erxedmet jar tarmist d uxeddam izemma adyiri x attas n resbab. Tinni itmektant attas nihenti d akemmer n kuntratu d asbeddi itegg axeddam simantennes, ura izemma adyiri mara wa neseâdu s wenjah' erweqt uqedjeb (deg addad-a wa nteh'wiji ca aâram qber zi tenayen n jjihat) nigh x ijj n asufegh (acomiadament). Di marra iddaden-a ukemmer n kuntratu ixessa adanegh ucen taghda x isurifen d timegga i gha naddef di kur addad. Bera imucan imezlayen umcawa (imastanen, isemsan n erxedmet) nzemma anuzu taghda di timesmunin tinmaleyin.