ERBANKAWAT D ISENDAQEN USEGFER

BANCS I CAIXES D'ESTALVIS

Daxer i angraw anazraf, erbankawat (bancs) d isenduqen usegfer (caixes d'estalvi) nihni iticcen ixessiyen inazrafen i marra tarbih'in: imazlayen, tirmisin, udusen, atg.

Kur amar kta ahemmi ameqran n tarbih't n yewd'an beh'ra idireh'gen gha Katalunya tessenheza attas n timesmunin n tizraf mah'enda atenâaden gha ifuras d issedjih'en i d gha dyasen ak ih'dijen ensen.
Erbankawat d isenduquen usegfer ghasen tiraciwin timeqranin n ighsuren d lbirawat u ghasen attas n ifuras d issedjih'en n tizraf (productes i serveis financers).

Attas zi ifuras d issedjih'en n tizraf nihni kif kif i marra yewd'an:

D ahemmi attas anesnem iâriden n tilmisin (interessos) d tisgharin (comissions) n attas n timesmunin, u tamesmunt n tizraf i gha nixd'a ixessa atiri txeddem nican di ticcit n issedjih'en ennes u atiri txeddem bera wa tesnufari walu. 

Ifuras neghnit itettan attas nihni d ina:

  • Iseâduyen (Transferències) gha timura n barra.

  • Isekkiyen (Remeses) irmuhajirin. Djan imsetfaqen ak attas n timura ishewanen x usekki n temenyat s iddaden isebh'anen.

  • Sighurut (Assegurances). Nihni d ifuras udmisen d imettiyen itexsen adfesyen jar marra inni isighuran azal udmis n iweddaren n manwen ma zaysen. Dinni sighurut mah'enda aneserqa x attas ixataren: usegfer, n tuddart (cnaw mara tewqeâ ermut), n taddart (erkawarit, tuccefat, atg.), n tadawsa, nigh n laksidat, nigh adwar gha tammart ennegh.

Ca n timesmunin tizrafin ghasent ura d iâriden usafar gha tammart ennegh, nihenti carcent ak lbirawat usafa.   

Nzemma anaf iccetid'en kemren n erbankawat d isenduqen usegfer i ud'sen azeddugh ennegh di manwen ma amalal n talghut n tilifunat, cnaw, di Tifritin Tawraghin / Pàgines Grogues (www.paginasamarillas.es), nihenti tirint deg imsawaren n tilifun d ermwasala.

I tmanit n talghut xzam di Amqun Isenduqen Usegfer
http://www.ceca.es/CECA-CORPORATIVO/es/index.html

Nigh di Aggez Unsib n Timesmunin n Erbanku n Spanya
http://www.bde.es/servicio/regis/regent.htm