Amsargal d tamsargalt gha web weqbar di Katalunya.

Web weqbar di Katalunya nettat d ijj n tizzat itegga Tamehla Tamatut n Thajart (Direcció General per a la Immigració) Anabad n Katalunya mah'enda atuc talghut tamezwarut i marra yewd'an enni beh'ra d ireh'gen gha Katalunya nigh tiri xsen a ghas dasen.

Mara cek nigh cem zeg iwd'an-a, zi Anabad n Katalunya nexs acek d acem nâawen gha wad'af ennec nigh ennem di timetti mah'enda deghya atirid d imzireg nigh tamziregt. Web-a d ijj n amriw izemman acek nigh acem tâawen di manaya. Maca ixessa cek nigh cem ategged tizemma ennec nigh ennem mah'enda atexsed atad'fed di timetti takatalant inbenna marra itnegh. Armad n tutlayt ennegh, takatalant, d aweqqa n izerfan ennegh d azalen imezwura i tirin daxer i useghnes i dawem nteta adyiri jaranegh.

I wexd'a n igburen ixef nessawar nuca attas erbar i inni i zemman adirin d ixessiyen di erweqt enni i di treh'agem gha umezwaru; ntarjmiten s iâeddiren i usqarreb gha izegziyen i yudsen kta gha iswagh anawal d adelsan ennes. Nettat maci ghi d ijj n terjama awar awar, nettat d azegzi n iwaren.

Nexs talghut-a i gha tafed di web-a ac tenfeâ nigh acem tenfeâ i webrid i gha tuyad zi rexxu.

Kenniw d imsargulen di Katalunya.