AQBAR

ACOLLIDA

Imasargulen d timsargulin gha Katalunya, deg umezruy ennes nettat zi rebda d tammart weqbar n yewd'an enni i ghas d itasen, nihni carcen u tâawanen gha useghmi ennes.

I benadem enni d ithajan, akwad ennes gha tammart-a netta d ijj n erweqt tasekwit deg azmaz n tnamit ennes ak timetti tamaynut. Gha umezwaru, iseghnasen imezwura i ntegg cnaw jjiran d tijiranin imaynuten nihni d issekwiyen attas mah'enda adanegh âawnen gha wad'af ennegh deg min danegh itend'en d amaynu i tuddart ennegh. X manaya i danegh ithima aqbar.

S usaḍuf n uqbal n middn imhajrn d inni d-iɛqbn ɣr Katalunya, din yat n taratsa n uqbal tsskan kra n ibridn n tɣuri maḥnd middn-nni i d-iwsin d imaynutn ad lmdn min rzzun ad krzn. Ibridn-a n tɣuri llan maḥnd ad nɣ-jjn ur nttcili xf ḥdd, ɛawd maḥnd ad tili tmɛacrt tsbḥ.

Tracca-ya tâawanit Generalitat de Catalunya, nettat tessuyara Ahil Ikemren Weqbar ak umesdag n Tadeblit n tafughalt, arami ixxamen n tghiwant d iseqquma ifughalen nihni iteggen ighewasen ureqqi d weqbar u sxeddamen allalen itxessan. Deg usujed weqbar carcen dayes ura d timesmunin timezlayin s umesdag ak tideblin tizuyaz.

Mamec i gha nza di tiseddarin neghnit n web-a, aqaber netta d aggay n marra allalen itxessan mah'enda aniri d ighermanen d tighermanin; timezri-ya ikemren atâawen Katalunya mah'enda atiri d ijj n timetti weqbar u atessehwen x yewd'an enni beh'ra d ireh'gen adqebren daxer ensen tadalsa takatalant.

Awanas, anfesser marra allalen imxedjafen i nzemma anaf di Katalunya, u rebda aghanegh yiri di erbar bil.la degg n issedjih'en d irmad weqbar i gha naf deg wemcan mani nzeddegh, nihni ixessa adasen ak tifras n taghiwant d iwd'an enni i d itreh'agen. Manaya yexs adyini bil.la axza-ya i dawem neccan netta d amattu, uca x manaya nessh'ikenniw atah'em gha issedjih'en n talghut n tiqqermi n taghiwant i di nzeddegh, dayes i gha danegh ucen talghut x illalen weqbar afughal.