Amalal weqbar

Amni n Katalunya, di 28 dg ibrir n 2010, iqbl Asaḍuf n uqbal n iwdan imhajrn d inni d-idwln ɣr Katalunya, yat n tmzwarut tgga am kra n usnduq iɛmmr s tmslayin maḥnd ad nili ur nttcil xf ḥdd ɛawd maḥnd ad nadf nican dg wamun akatalan.

Asaḍuf-a ittgg, di mara Katalunya, yat n tawalt n uqbal amzwaru maḥnd ad ɣurnɣ ili aqqan amzwaru akd tussna, ils d imukan n tkrzt n tmurt-a xmi d-nttakkwaḍ, ɛawd kra n imurn nzmmr ad nssn timslayin di tmura-nnɣ xminni nbdda ad d-nas. Tawalt-a digs aswrik; zigs ad ɣrkum ili mara min tḥwajm maḥnd ad tlmdm ils akatalan –ils-nnɣ n uqbal –d tsbbanyut. ɛawd ad ɣurnɣ tili talɣut xf tkrzt, xf wamun akatalan d tmslayin n tɣdmt, am izrfan d waɣanen imzwura d isuḍaf n ibrranin.

Mara mana-ya maḥnd ur ittili iqsḥ wadaf dg wamun-a i ur nssin ɛad mliḥ, maḥnd ad nssn ktar izrfan-nnɣ d waɣanen dg wamun akatalan maḥnd ad ili ishl aẓẓu-nnɣ dg wamun.

Maḥnd ad ɣrkum tili talɣut ktar xf usaḍuf-a tzmmrm ad tadfm dg web-a n Tmhla Tamatut i Tmhajrt (Direcció General per a la Immigració):

http://www20.gencat.cat/portal/site/dasc/menuitem.6e02226e86d88424e42a63a7b0c0e1a0/?vgnextoid=f370c33dad5a4210VgnVCM1000008d0c1e0aRCRD&vgnextchannel=f370c33dad5a4210VgnVCM1000008d0c1e0aRCRD&vgnextfmt=default